Lyrics Bahebak - Rida

إنت بتوجع قلبي ومهانش عليا أقولك ليه
علشانك هان تعبي لو حتى مكنتش حاسس بيه
ومفيش أبداً فايدة دا أنا قلبي مليش ولا حكم عليه
بالإسم صحيح قلبي لكن من غيرك فايدته إيه؟

يا حبيبي أنا مش قادر من غيرك أنا أيامي عذاب
حبيتك والله معملتش يوم للبعد حساب
إتعلمت أشتاقلك ونسيت أتعلم يوم أنساك
مهما بتبعد عني حياتي وروحي معاك

بتعرف إني بحتاجلك وميحنش في يوم قلبك؟
بحبك هي نقطة ضعفي وعارفها وبرضو بحبك
بتعرف إني بحتاجلك وميحنش في يوم قلبك؟
بحبك هي نقطة ضعفي وعارفها وبرضو بحبك

كل ما أفكر أنسى، أنا بنسى وبرجع أفكر فيك
من غيرك بتغرب، حواليا الناس وأنا بالي عليك
قد ما قلبي تعبني وتعبت عشانك نفسي ألاقيك
الأيام بتغير ولا بتغير، أنا عايش ليك

يا حبيبي أنا فاض بيا
راحتك في عذابي وراحتي لقاك
بتصعبها عليا، يرضيك أفضل علي حالي معاك؟
مين هيحبك قدي أو يرضى لحاله يعيش مظلوم؟
بس أنا علشان روحي معاك بستحمل ولا بنساك يوم

بتعرف إني بحتاجلك وميحنش في يوم قلبك؟
بحبك هي نقطة ضعفي وعارفها وبرضو بحبك
بتعرف (آه) إني بحتاجلك وميحنش في يوم قلبك؟
بحبك هي نقطة ضعفي وعارفها وبرضو بحبك