Lyrics O piano 'e guerra - Roberto Murolo

'Sta guerra 'a fernesch'io si me presento
Cu nu prugetto 'ncapo, nnanz"o re, nnanz"o re
Maistà, songo d"o tale reggimento
Teng' 'a pace mano a me, mano a me

Dice 'o re, "Si parle overo
N'hê, 'a dà cunto 'o Ministero
Hê ammentato quacc'arma nova?
Quacche povere? Quacche palla
Ch'addò arriva llà coglie e nchiova?
N'atu gasse p ' e ffà muri?
Quacche nave ca nun affanna
Ma, liggiera, va 'ncopp'a ll'onna?
Quacche mina ca fa nzurclì?"

Io, redenno, svelo 'o sigreto
Isso, allero, me fa, "Giesù
Acqua mmocca, guardate arreto
Carta bianca, guagliò, fa' tu"

Sola, vestute 'e sciur' 'e primmavera
Lucente cchiù d' 'o sole, bella, bè, bella, bè
Da Napule te parte p' 'a fruntiera
'Nprimma linea, 'nziem'a me, 'nziem'a me

Oi ccà l'ordine 'e battaglia
Ma 'o nemico già s'abbaglia
Se mpapin"e generale
Perd' 'a mmummera 'o culunnello
Piglia mmano nu cannucchiale
Sbaglia 'o piano pe' te guardà
Tu t'accuoste, ma cchiù suspira
L'artigliere, ca perde 'a mmira
E 'o cannone che buò sparà?

'E nemice, cu ll'uocchie 'a fore
Nun cumbatteno manco cchiù
Carta e penna, l'Imperatore
Firma 'a pace ca vuò fa' tu

Cielo, e che ce vò essere pe' Roma
Quanno s' 'e fatta 'a pace, gente, gè, gente, gè
Chiammata a ccorte, nenna, toma toma
Che superbia vò tenè, vò tenè
Chi lle dà 'na rosa 'e maggio
Chi se piglia nu passaggio

'O francese s'ammullechea
Lle fa segno l'americano
E l'inglese, ca se quartea
C' 'o binocolo 'a vò guardà
S'adenocchiano 'e marrucchine
Serbe, griece e montenegrine
N'africano s' 'a vò vasa

Giuvinò, mo me sò stancato
Lie dicesse cu nu sciassé
P' 'o Paese me so' prestato
Ma 'a guagliona me serve a me