Lyrics E guete Siech - Tinu Heiniger

Du bisch e guete, guete Siech
Wüsst migottseu nit, was i miech
We's di mau nümme gub
We's di mau nümme gub

Mir läbe meischtens, meischtens ungefähr
Tröime dervo, dervo, wie's angersch wär
U läbe meischtens, meischtens irgendwie
Tröime dervo, dervo, wies mau chönt sy
U sy nid würklech, würklech hie
U sy nid würklech, würklech hie

Mir rede viel, so viel, u säge nüt
U sy so gärn, so gärn, zmitts i de Lüt
U sy so toll, so toll, so bsunderbar
U sy so geil, so geil, so wunderbar
U wüsse nüt, u nüt isch klar
U wüsse nüt, u nüt isch klar

Du bisch e guete, guete Siech
Wüsst migottseu nit, was i miech
We's di mau nümme gub
We's di mau nümme gub

Mir frage wie, säg wie, säg wo, säg was
U luege töif, so töif, i ds lääre Glas
U frage gschyd, so gschyd, u frage dumm
Wieso grad ig? Grad ig? Wäg was? Warum?
U nüt louft grad, u aus louft chrumm
U nüt louft grad, u aus louft chrumm

U was mir hei u sy, das hei mir gwählt
Vor üs es freis, es wyts, es sunnigs Fäld
U i bi di Fründ, di Fründ, u du mi Held
Mir wüsse beid, mir beid, s'isch das, wo zellt
Gsehsch dert dä Stärn? Dä ha ni gärn
Du bisch mi Stärn, i ha di gärn

Du bisch e guete, guete Siech
Wüsst migottseu nit, was i miech
We's di mau nümme gub
We's di mau nümme gub

Du bisch e guete, guete Siech
Wüsst migottseu nit, was i miech
We's di mau nümme gub
We's di mau nümme gub

Du bisch e guete, guete Siech
Wüsst migottseu nit, was i miech
We's di mau nümme gub
We's di mau nümme gub