Lyrics Schwitzerlied - Tinu Heiniger

Schwitz, Du Land vou Milch u Chäs u Anke
Schwitz, Du Land vougstopft mit Schwitzerfranke
Schwitzerfrankebanke rund um ds Bundeshus
U mir tanze uf Dir feisse Aup
Üse Tanz um ds guldigfeisse Chaub
"Choufet, choufet! Plastighärz im Warehus!"
"Choufet, choufet! Plastighärz im Warehus!"

Schwitz, Du subers Poppyshoppyland
Schwitz, Du subers Graniumdisneyland
Schwitz, mi Chlykredit vo Dire subere Bank
Üser Ränze vou u d'Seele läär
Ufem Schuelhusplatz steit ds Militär
U Dis Sturmgwehr roschtet i mim Chieiderschrank!
U Dis Sturmgwehr roschtet i mim Chieiderschrank!

Schwitz, Di Guisan i Dir Beiz ar Wand
Schwitz, Di Riesepopswatch a mir Hand
Schwitz, Dini blaui Milch- u Fernsehsuchardchue
Und nid nume Schwitzerschoggola
Inestäche, dürezieh und abela
"Nimm vo mim, vo mim u tu, doch no chly vo dim derzue!"
"Zäme hei mer sicher gnue, zäme simer schampar zue"

Schwitz, ach ja, di gmüetlech Samschtigsjass!
Schwitz, ach ja. die schöni Bahnhofstrass!
U jetz louf vor Bahnhofstrass mau zum Platzspitz
Mit läärem Blick gsehsch se binandersitze
Au am inelääre, inesprütze
Chrank, kaput! Ja, Schwitz, o das sy Diner Kids!
Chrank, kaput! Ja, Schwitz, o das sy Diner Kids!

Schwitz, gäu, ei Hand wäscht die andri Hand
Schwitz, gäu, wösche chöi mir i däm Land
Ja, Zentralgäldwöscherei hie lauft u lauft
E lue! Ds Elsbeth steit im Räge mit em smarte
U verladne Blick veruss im Garte!
Ja gäu, ds Härz tuet weh, we mes mau het verchouft!
Ja gäu, ds Härz tuet weh, we mes mau het verchouft!

Schwitz, Di Täll, Di luschtig Tällstar-Beni
Schwitz, Di Pirmin u Dis Chnöi vom Vreni
Schwitz, Di Felix Kurt, so nätt und so aalglatt
Diner Näbelslalomstangehänger
Diner Superträffergagufänger
Diner feine Troumpaarbrunzverdränger
Diner Oberkrainerrehmanklänger
Diner Räberinselschnulzesänger
Oh mis Ohr, mis Oug, wie hei die euch so satt
So satt, so SAT 1, SAT 2, 3 SAT, satt so satt!

Schwitz, oh, wie mir's hie doch friedlech hei
Schwitz, ah, drum schicksch d'Asylante hei
Schwitzer, ih, schwig jetze, d'Bundespolizei
Überwacht, notiert u regischtriert
U wo's Tag isch, gyt wyter, denunziert
Ou Di und Dis Härz, mis Härz i syr Kartei!
Ou Di und Dis Härz, mis Härz i syr Kartei!

Schwyz, du Supermegaschnüffelstaat
Schwyz, du Chautechriegsgurkesalat
Schwyz, du Rächtsstaat, d'Richter gä sich sälber rächt
Was verstecksch, decksch zue u was decksch ab?
Wenn steit d'Schmier by mir vor 'Tür u hout mi ab?
Schwyz, i dänke z'Nacht a di u i schlafe schlächt!
Schwyz, i dänke z'Nacht a di u i schlafe schlächt!

Schwitz, he Schwitz, hesch gmerkt, e jede dritt
Schwitzer macht hie nümme aues mit?
Schwitz, Dis Vouk, gib's zue, nei, gäu, das hättsch nid dänkt
Schwitz, oh Schwitz! Di Schwitz, Du, Schwitz AG!
Hesch gmeint ds Schwitzervouk sig Di Armee!
Jetz hesch ds Gschänk: E Drittu vo däm Vouk hie dänkt
Das git eim z'dänke gäu, es Vouk wo däwä dänkt!

Schwitz, he Schwitz, hesch's gmerkt i der Tschechei
Schwitz, dert geit Jetz ds Vouk uf d'Strass, ne, nei!
Sogar d'Dichter, d'Dänker dert im Parlamänt!
Läck doch mir, versteisch das wär e Tag
Prag wär plötzlich Bärn u Bärn wär Prag
U der Frisch wär när hie Bundespresidänt!
U der Frisch wär när hie Bundespresidänt!

U der Bichsu Vize
U der Meiebärg Inneminischter
U der Ziegler Finanzminister
U der Dürrematt Kultur

Aber das wär natürlich nume ä Übergangsregierig
U nachär chönnte mer wieder einisch wähle
Aber mir chönnte nume Froue wähle
Aber nume Froue wo nid so regiere wi d Manne hie regiere

U für d Manne hätt's no ä so es paar Botschafterpöschte
Ig zum Bispiu i wär Botschafter z Prag
Äm Sunntigvormittag da gieng i
Mit äm Dubeck u mit äm Havel e Champagner ga abela