Lyrics Kölsche Jung - Willy Millowitsch

Als kleine Jung hat ich mich ens verlaufe
Ich jläuf ich wollt m'r nur e Rahmkamellsche kaufe
Ich fung ming Stroß nit mih, jo dat wor schwer
Ne Schutzmann frochte mich, wo besde her?

Ich hatt en Angs, hä nohm mich beim Schlawitsche
Em Jeis saah ich mich schon terektdemang em Kittsche
Doch spot ich janz jenau, hä meint et joot met mir
Ich säht ihm dann treu hätzich op ming Ihr

Ich ben e'ne Kölsche Jung, wat willste maache?
Ich ben e'ne Kölsche Jung un dun jään laache
Ich ben och söns nit schlääch, nä ich ben brav
Ming Lieblingswöötsche, heiss Kölle Alaaf!

Ich deit och schwer aan minger Mutter hänge
Wenn se och menchesmol met mir deit kräftig schänge
Doch wor em Jrund ich doch, dä leeve Jung
Su leich braat ich se nit us dem Verzung

Un hat ich ens e Sammeltass' zerbroche'
Dann daach ich janz bestimmp jetzt häsde jet verbroche
Die Mam' säät nor för mich, du küss nit vör de Tür
Ich säät dann, Mam' ich kunn doch nix doför

Ich ben e'ne Kölsche Jung, wat willste maache?
Ich ben e'ne Kölsche Jung un dun jään laache
Ich ben och söns nit schlääch, nä ich ben brav
Ming Lieblingswöötsche, heiss Kölle Alaaf!

Ich rode dir, loss nie d'r Kopp ens hange
Laach doch em Levve nur, dann weesde dich schun fange
Denn wenn de nit mi laachs, dat is verkeht
Sing doch ding Muttersproch op Kölsche Leed
Sing so wie ich, da bruchst dich nit zu schamme
Und hässde Truusverloss, dann singe mir zesamme

Wenn do dann einesdaachs vör'm Himmelspötzje steihs
Dann saach dem Petrus heimlich janz still un leis:
Ich ben e'ne Kölsche Jung, wat willste maache?
Ich ben e'ne Kölsche Jung un dun jään laache
Ich ben och söns nit schlääch, nä ich ben brav
Ming Lieblingswöötsche, heiss Kölle Alaaf!