paroles de chanson Sahtan ja mahtan - Ailu Valle

In goasge nástán gáhtan
Čaibmi čuovggas ii ribat ijaiduvvat,
Báhkain alccen álo jáhkán
Dán árranis ii dolla beasa hilaiduvvat
In din rámmaide čáhkan
Friija dáhtu buollit šloavgalin
Mun sáhtán ja máhtán
Vuoittu siepmaniid geidnosan gávgalin

Liggehallen geassebeaivve beaivegoardagis
Go oaivvi bárddašeaddji bajás váccii bákteboardagiid
Gađaš nirpi belkkii garpin ja narsistan
Celkkii vašiin duomu, don leat allamielat artista
Vástidin, dovddakeahttá mu dus ollu vuordámuš
Muhto gáđašvuohta ja vašši mu vuojánii beare boaldámuš
Suoivanastiide lihkolaš lea rihkolaš
Vajálduhttet ahte ii geange eallin dušše mihtolat
Iluin lihtodan, dál siskkáldas hávit čihkosat
Fiská dovdduid dolla, fámus beaivvážii giitosat
Dál garvá bárttiid, čuovga čuovvu beaivvi bártniid,
Veardnideaddjiide vuovdaleamen sealgga seainnis sártniid
Muosálaš oasálaš vuhtto go vuollána asálaš
Muhto easkka go ádde, mun ieš iežan áidna vašálaš
Dassái bolden gintala goappáge geažis
Go áddejin, lean ieš áššálaš, áššáskuhtti, duopmár ja veažir

In goasge nástán gáhtan
Čaibmi čuovggas ii ribat ijaiduvvat,
Báhkain alccen álo jáhkán
Dán árranis ii dolla beasa hilaiduvvat
In din rámmaide čáhkan
Friija dáhtu buollit šloavgalin
Mun sáhtán ja máhtán
Vuoittu siepmaniid geidnosan gávgalin

Jaskatvuođas čalmmit gitta čuoččun čuovggas
Juolgevuođuin čielgeađđama čađa joavddai
Suonjar čoavjái, suonjar váimmus
Beaivvi rávdnjái rahpasedje čalmmit, gieđat áimmus
Rohttedin goruda rohkosa rumašguoddui
Dearvvahin ustiba, nu eallima gáldu oaidnit duoddu
Gieđat fas bajás, go nu čábbádit báitá
Ja de eatnamii, ná beaivváš binná dábbánit soaitá
Doaibmagoađán, riidejit suotnjarat duoddariid
Niidemin beaivenieiddaid maŋis šerres vuoddagiin
Almmiid miel gávcci vári badjel nu johtilit
Juohká liegga fámuidis, jorbodahkii johtimin
Kobra hámis ollii, gomuvuođa Ieš gollin
Golli áiggi mollii, suonjar iđitguovssus dollii
Bottážii, eatni askái máhcai beaivvi bárdni
Lottážin, sivdnidii iežas go beaivvi sárdni

In goasge nástán gáhtan
Čaibmi čuovggas ii ribat ijaiduvvat,
Báhkain alccen álo jáhkán
Dán árranis ii dolla beasa hilaiduvvat
In din rámmaide čáhkan
Friija dáhtu buollit šloavgalin
Mun sáhtán ja máhtán
Vuoittu siepmaniid geidnosan gávgalin

Vuorbi váttes goarttaid deškkodan
Hedjoseamis jávkkai hedjodat, geahčat gollážiid ledjona
Sihkkarit lihkkasa vuoibmi stoarpma foarpmas
Suddá čuorpmas čorpmas, suorpmas lihku gollesuorpmas
Mii ligge, vaikko gáhtašii gárttašii šiggehallat
Bigge, máhttá vaikko vašis liggehallat
In divtte árrana čoaskut, divttán máinnu roaškut
Dál buohkat liegga váimmuin gieđaid oktii doaškut