paroles de chanson Un pisci rintra a to' panza - Alessio Bondì

Mamma, haju una fudda
Ri pisci rintra ′a tiesta
'A luna s′astutò
Mamma m'addumi tu?

A ghiriminni haju statu
Siempre 'u cchiù vinciusu
Sugnu accussì ma ′sta cunnanna ′a sai
'A sai ru′ voti

Quann'eri nica e ghiucavi a fari ′a mamma
N'aspittavi rui, quattru o tri
Ri masculiddi

Quannu ′a matina è acqua
Prima ca mi sveglio
Sientu 'na manu in capu all'occhi
Mamma, cu pò essiri?
′U tiempu si squagghia

E tornu a natari,
Un pisci rintr′a to panza
Io e tu, tutta una cosa
Ci pienzi, mamma?

Quann'eri nica e ghiucavi a fari ′a mamma
Iu nun ci criu ca 'un l′addisiasti mai
Una fimminiedda

Quannu 'a matina è acqua
E ancora nun mi sveglio
Sientu ′a carizza ri ddà figghia ca
'Un t'ha nasciutu mai
′Na frieve m′annagghia e mi squagghia

Natamu a miliuna,
'Na fudda ′i pisci rintr'a to panza
Di poi s′adduma 'na luna

Ormai nuotu sulu,
′Sta luna s'agghiuttìu sulu a mia
M'attigghia anticchia ′a pinzata
R′un aviri a nasciri mai
R'un aviri a soffriri mai
R′un aviri a fariti soffriri mai
R'un aviri a mòriri mai