paroles de chanson Cheerz - Badclause

Bu gün sevgi dəyərsiz, nifrət daha effektiv
Tanrı dualarımıza baxmır, dolubdur "direct"i
Nə yazdığım sözüm keçərli, nə də "rhyme" iti
İndi xoşbəxtlik gözündən ürək çıxan smaylikdir
Bu qədər rəqəmsaldır həyat, bu qədər texnikiləşib hər şey
Ya hisslər çox həssasdır, ya insanlar vəhşi
Kobud davranmışıq incə detallarla, daha tərs hər işim
Heç vaxt dəyişmərəm – sözünü deyən hamı dəyişir

Sən də çox dəyişmisən, düzlərində olub xeyli səhv
O qədər səmimi adam var, ilki mən, sonu eyni sən
Kimisə unutmağın ən acizanə yolun seçmisən
Görəsən həyat yolunu kimin əlindən tutub keçmisən?
Oralar yad gəlirmi, samanlıq ya seyrandırmı?
Məktubda "bağışla" yazırsanmı, ora leysandırmı?
Qafil eşqə nazil olan bu əzazil o insandırmı?
Səncə can yanırmı, yar, ya yanan elə tək misramdırmı?

Yalan dünya
Batsın məni dərdə salan dünya
Yan, öz odunda qalan, dünya
Zülmətə boyan, dünya
Yalan dünya
Batsın məni dərdə salan dünya
Yan, öz odunda qalan, dünya
Zülmətə boyan, dünya

İçimdə iki qeyri dünya, qeyri adam, iki dərya
Biri doğma, biri yad, biri mənə: oyan – deyir, biri – yat
Biri: sus – deyir bu nakam eşqə, o biri çəkir fəryad
Bir yanımda gölməçədir, bir yanımda yanğın hər yan
Bitmir heç ahım, min bir əzabın
Çarəsi içməksə, dayanmayaq, birin də açağın*
Nə marağım vardır günə, nə vardır aya marağım
İlişib ömür hörüklərinə bu intizar darağı

Girim eşq bağçasına gərək, orda ən gözəl gülü dərim
Bir dənə də məktub yazıb, ətirli zərfə büküm, göndərim
Səni təsvir eyləsin yazılan bütün sözlərim
Elə xoşbəxt olaq ki, ürəyi partlasın ötən günlərin
Axı, çox dərddən yazdım və girdi günaha rəsmlər
Guya ki, o qürurlu, amma alçaqlıq var ifadəsində
Yəqin ki, eşitməyəcəksiniz onun adını bir daha səsimdən
Çünki, xoşbəxtliyim indi başqasının himayəsindədir

Yalan dünya
Batsın məni dərdə salan dünya
Yan, öz odunda qalan, dünya
Zülmətə boyan, dünya
Yalan dünya
Batsın məni dərdə salan dünya
Yan, öz odunda qalan, dünya
Zülmətə boyan, dünya