paroles de chanson D'Wohret - Black Tiger

D'Wohret isch e Tisch mit ere Fläsche und eme Glas druf!
Ich weiss du verstosch das uf dr erscht Momänt nit,
Doch dänk mit, denn wirsch am Änd nit an dr Ufgob schittere
Und di Bewusstsii erwittere!
Ich hoff, ich verschtand di Vrschtand mit Stil z'ernähre,
Denn ich wött dr das Ganze ame Biischpil erkläre.
Klar, s'wär liicht z'behaupte, dass i wüsst, was d'Wohret wär!
Glaub mr nit, i würd mr das erlaube, ach wohär!
Ich wött euch nume'ne mathematischi Formle vorstelle
Und ich hoff, ihr wärdet eurne Kollege drvo Vrzelle,
Denn hätti d'Menschheit das Vrschtande, gäbti's kei Krieg.
Aber bevor de meinsch i lieg, fang i a mit däm Lied.
Nämme mr eifach 4 Type, s'isch egal wie sie heisse,
Wo zum Bischpil in ere Beiz e Quatratische Tisch umkreise.
Uf däm Tisch schtoht e volli Fläsche Rote und e Glas.
In däm Song goht's genau um die 3 Sache, merk dr das!
Uf jedefall hän alli Vier scho zimmlig ein dinn,
Und s'het nume no ei Glas, doch do meint dr erscht,
Das sigi nit schlimm:

"Gi'mr das Glas, rächts vo dere Fläsche, schän emol i!"
Sait'r siim Kumpel Vis-a-vis, doch dä sait "Spinsch,
Was dänksch dr drbi?
Beleidig mi nit, und sowiso das Glas stoht links drvo"
Z'erscht lache beidi: "Hei das ka doch numme vom trinke cho"
Für keine schtimmts e so und e so kömme sie sich in d'Hoor,
Könne sich nit druff einige und schlön ihri Meinige vor.
Sait dr einti:"Nai, das'isch nit Wohr!" Sait dr andri:"Doch!"
So goht das här und hi, hi und här, noch und noch.
Und wäre die beide Bärnr döntii's:"Neiii! Mooouuu!
Neiii! Mouuuu! Neiiii! Mooouuu!"
Es isch jo bekannt, wenn zwei sich schtritte, do freut sich dr dritti,
In däm Fall, aber nit, wil dä git sich als Ma vo dr Mitti
Und Sait: "I muess euch Brämse! Suscht sind ihr morn no dra!
Und zwar isch's ganz klar, das Glas, das schtoht vorne dra!
I begriff das nit! E so viil Schtitt wäge e bizli Wi!?!"
Do Ergrifft dr letscht vo dene Vier s'Wort und mischt sich dri:
"I seh kei Glas, nume e Fläsche und zwar eini uf däm Tisch!
Und waisch was? Das isch, mein ich, e so wie's au wirklich isch!"
Schlussändlich hän alli vier im guete Glaube d'Wohret pachtet
Und jede het gmeint, dass'r wirklich uf sini Auge und Ohre achtet,
Eigentlich sehn alli 4 s'glich, doch sie sind blinder als blind,
Denn die ganzi Wohret sehT me nume, wenn dr Blickwinkel Schtimmt... und
D'Wohret isch e Tisch mit ere Fläsche und eme Glas druf!
Ich weiss, du vrschtosch das uf dr erscht Momänt nit.
Doch dänk mit, denn wirsch am Änd nit an dr Ufgob schittere
Und dii Bewusstsii erwitere!
Nämet das Lied, s'brucht biz Zit zum Rife.
S'gäbti kai Krieg, würdes alli begriffe.
Me sötti sich nie nume uf öbbis vrschtiffe.
Wär het sich bemiet das Lied do z'Begriffe?