paroles de chanson Schneeflöckli - Christiane Mathe

De Winter hät uf Sammet Pfote da Land mit Schnee überdeckt
Keis Gr'üsch isch meh z'ghöre, d' Wält unterem Schnee versteckt
De Basil luegt ussem Fenschter und stuunt, was er döt g'seht
En wilde wiisse Flocke'tanz, de durch d' Luft schwebt

Schneeflöckli tanzet, so wiit vom Himmel abe
Sie wirbled durch d' Luft, sie tanzet uf und abe

D' Bäum', sie stönd ganz kahl im Garte, d'Vögel uf ihrne Zwiig
Kei's Chörnli chönnt sie meh' finde, verstummt isch ihres Lied
De Basil luegt ussem Fenschter, und g'seht d' Vogelschar
Sie picket eifrig Vogelfuetter, das im Fuetterhüüsli war

Schneeflöckli tanzed, sie halte sich a de Händ
Sie wirble durch d' Luft, gänd üs es wiises Hemd

Am Dach, da hänget Iszapfe, sie schimm'red im Liecht wie Kristall
Nach abe sind sie spitz und zackig, wie langi Messer im Fall
De Basil luegt ussem Fenschter, verzauberet vom Winterwunder
De Garte glicht enere Märliwält, bedeckt mit wiissem Zucker

Schneeflöckli tanzed, im Reigen mit em Wind
Sie wirbled durch d' Luft, decket zu d' Erde g'schwind