paroles de chanson Retha mazur - Davide Van De Sfroos

Tii mel Kuésh
Traaj mma de lu
Kuu Skiffatz
Maj Traa Xxelu...

Hey damm'a traa sun't el flauto de veent che sbrissiga de nocc tra la càna e la foeja
Passi via sura el cornu al demöni e i pioemm de l'arcangel che s'è indurmenta
Varda scià g'ho una lengua che sposta la foolc de la loena in soel coo del cipress
G'ho un pass cun ligaa una cadèna che quaand fa frecàss la dessèda anca i pess

Retha Mazur Retha Mazur
Senta se'l tira senta se'l möla
Senta se'l bufa senta se'l bàtt
Sfilza la pianta nel coo piee de ràmm
Pèll de galèna soe l'acqua dell'unda
Briisa che ruzza e sgavezza la tenda
Strèpa la nigula lustra la stela
Sbogia la nocc e rimpinza la vela
Gula la sabbia e pica la porta
Se sbassen i fiuu e'l laagh se ribalta

Retha Mazur Retha Mazur
Adèss paar che'l riid
Adèss paar che'l vuusa
El raccatta ogni roba e tucoos buta via
Musica d'aria lama de briva
Troeva el suspiir che sgraffigna la schèna
Rubarà el foemm sugherà el sass
Paar dree a murì e de culpu a rinass
Spusterà la tempesta la nebia e la tèra
Laserà la sua paas dopu l'aria de guera