paroles de chanson Schei - Herman Medrano

Xente senpre pi tirà, inveenà
I poe tiraghene fin che i voe, ma se non eà va no eà va
A chi che se ingossa, parché cuèo che passa
O strossa o ingrassa, cossa vuto che ghe fassa?
Eà vita? Dura, e vista da dessora da na inpalcadura
Eà pare ancora de pi na fregadura
Cuèi fati de poina, che se alsa anca na pajia ghe fa mae
Eà schina, e cuèi che se sassina
Ma se se inparasse contentasse
Ma se cuèo che ciapo me bastasse
Ma se no se poe pi fidasse
Co cuèi con cui se nasse se finisse pa scanasse
Chi pi chi manco tuti un fià semo portà
A pacioear de schei che in realtà no se ga
Dai pi veci ai pi cei tuti parla
De machine, mona, calcio, poitica e schei

So so na busa, tirame fora
Ogni matina me svejio bonora
So so na busa, tirame fora
Fasso de tuto pa stare dessora
So so na busa, tirame fora
Ogni matina me svejio bonora
So so na busa, tirame fora
Fasso de tuto pa stare dessora
Schei schei schei schei, schei schei schei schei

Voria - svejame - on jiorno co dei schei
No tanti, soeo fin eà ponta dei caveji
Tore on aereo e moeaghene fin cuando che ghe n'é
Soeo pa vedare el muso che te fe
Tanti o pochi ocio a dove che te i meti
Cossa che conpri, tento come che te i spendi
Parché pa dee monade se ciàpa dee fregade
Che no ghe xe pi strade dopo serte sacagnade
Assa che i pianxa, xe chi no ghe manca el mutuo in banca
Pa conprasse eà barca e eà vacansa
Assa che i rida, xe chi no ghe riva che te sidia
I te toe eà vita pa invidia
Cuàtro tangari che se ciucia i lavari
Cuàtro schei e i torna indrio come i ganbari
I conpra a tajiadee, gnente intee scarsee
In testa massa idee, eà vita dee scartee

So so na busa, tirame fora
Ogni matina me svejio bonora
So so na busa, tirame fora
Fasso de tuto pa stare dessora
So so na busa, tirame fora
Ogni matina me svejio bonora
So so na busa, tirame fora
Fasso de tuto pa stare dessora
Schei schei schei schei, schei schei schei schei

No teo dise cualchedun, ti no te te nincorxi
Te tachi fare e robe de scondòn come i sorxi
Come cuéi che se xoga schei pa mestiere
I speta eà volta bona e i ghe fa "toe" a so mujere
Varda el tacuìn e faghe el terso grado
E se te o cati vodo, te si picà come on saeado
O in braghe de tea se eà te pare bea
Na scarsea sensa monea, na motorea sensa missea
I xe tuti co ti co eà stradea xe in dissexa
Ma pa 'ndare su na ponta eà marmajia se s-ciarexa
Na scorexa, de vento, un peo pi forte
No se sa come, de colpo, se sara e porte
E stare al soe xe un ris-cio, stare a l'onbra te fe mus-cio
E come che te rivi a faghene un bel mucio
I ochi tira i oci e ghe tremoea i xanoci
Però schei fa schei e peoci fa peoci

So so na busa, tirame fora
Ogni matina me svejo bonora
So so na busa, tirame fora
Fasso de tuto pa stare dessora
So so na busa, tirame fora
Ogni matina me svejo bonora
So so na busa, tirame fora
Fasso de tuto pa stare dessora
Schei schei schei schei, scheeeeeei
So so na busa, tirame fora
Ogni matina me sveio bonora
So so na busa, tirame fora
Fasso de tuto pa stare dessora
So so na busa, tirame fora
Ogni matina me sveio bonora
So so na busa, tirame fora
Fasso de tuto pa stare dessora
Schei schei schei schei, scheeeeeei