paroles de chanson Dat Hätz Vun Dr Welt - Höhner

Dat Hätz vun dr Welt, jo dat es Kölle
Dat Hätz vun dr Welt, dat schlät am Rhing
Es och dr Himmel öfters jrau
Un et Sönnche schingk jet mau
Doch die Kölsche han em Hätze Sunnesching

Eines Daachs dr Herrjott saat
"Mein Jott, Urlaub dat wör'n Saach!"
Röf Engel Jupp un Engel Franz un Engel Schäng
"Ihr drei, ihr fleecht ens flöck zor Ääd
Luurt jot hin, wat sich su deit
Ich well wesse, wo die schönste Fleckcher sin!"

"Doch benempt üch", sät dä Häär
"Ich weiß, dat fällt üch manchmol schwer
Ich möch e schö Hotel met Meer un Sunnesching!"
Engel Schäng sät: "Chef, hör zo
Ich weiß, wat läuf, ich wor ald do
Dä schönste Fleck op dinger Ääd, dä litt am Rhing!"

Dat Hätz vun dr Welt, jo dat es Kölle
Dat Hätz vun dr Welt, dat schlät am Rhing
Es och dr Himmel öfters jrau
Un et Sönnche schingk jet mau
Doch die Kölsche han em Hätze Sunnesching

Vier Woche sin die drei op Jöck
Als eetster kütt dä Jupp zoröck
Liht sing Engelsflöjel hänge un verzällt
"Ich wor en Hongkong, USA, op Ibiza, Kanada
Doch dä Dom, dä es dat Schönste op dr Welt!"

Dat Hätz vun dr Welt, jo dat es Kölle
Dat Hätz vun dr Welt, dat schlät am Rhing
Es och dr Himmel öfters jrau
Un et Sönnche schingk jet mau
Doch die Kölsche han em Hätze Sunnesching

Engel Franz kütt aanjeraas, em Jeseech en rude Naas
Lallt: "Mein Jott, wo simmer he? Wo es mih Jlas?
Cuba Libre, Whikskey, Gin, Rum un Cognac un och Wing
Doch et beste es e lecker Kölsch vum Fass"

Dat Hätz vun dr Welt, jo dat es Kölle
Dat Hätz vun dr Welt, dat schlät am Rhing
Es och dr Himmel öfters jrau
Un et Sönnche schingk jet mau
Doch die Kölsche han em Hätze Sunnesching

Alles waad op Engel Jean
Wo bliev dat Käälche bloß su lang?
Unsre Häärjott, dä weed kribbelich un nervös
Doch do kütt e Telejramm
"Ich kündije! Engel Jean
Bliev en Kölle - stop - ich hierode et Nies!"

Dat Hätz vun dr Welt, jo dat es Kölle
Dat Hätz vun dr Welt, dat schlät am Rhing
Es och dr Himmel öfters jrau
Un et Sönnche schingk jet mau
Doch die Kölsche han em Hätze Sunnesching

Dat Hätz vun dr Welt, jo dat es Kölle
Dat Hätz vun dr Welt, dat schlät am Rhing
Es och dr Himmel öfters jrau
Un et Sönnche schingk jet mau
Doch die Kölsche han em Hätze Sunnesching