paroles de chanson Wenn Em Sommer De Naach Wärm Weed - Höhner

Et Bier steiht em Jade,
De Lampe sin an
Om Jrill qualme Wöschjer,
Et Fess es ald dran
Us de Boxe dröhnt Musik,
Et weed vell jeschwad
All sin se sich einich
Hück weed e Fass opjemaat

Wenn em Sommer de Naach wärm weed, dann weed vell jetrööt
Em Jade jetrööt, wie sich dat su jehört
Wenn em Sommer de Naach wärm weed, dann wedd vell jelaach
Em Jade jelaach und dat jeit bes deef en de Naach

Un selvs unsre Nohber, dä wäjen jet Lärm
Söns immer de Schmier röf,
Hät hück de Röggelcher wärm
Et weed vell jesunge un noch mih jelallt
Durch Spinat un Radiesjer en unserem Jade et schallt

Wenn em Sommer de Naach wärm weed, dann weed vell jetrööt
Em Jade jetrööt, wie sich dat su jehört
Wenn em Sommer de Naach wärm weed, dann wedd vell jelaach
Em Jade jelaach und dat jeit bes deef en de Naach

Et weed immer fröher un langsam och hell
On su nem herrliche Ovend verjeit de Zick vell ze schnell
Doch su lang et noch Bier jitt, maache mer noch nit Schluß
Denn morje es Sonndach jo un do schlofe mr us

Wenn em Sommer de Naach wärm weed, dann weed vell jetrööt
Em Jade jetrööt, wie sich dat su jehört
Wenn em Sommer de Naach wärm weed, dann wedd vell jelaach
Em Jade jelaach und dat jeit bes deef en de Naach