paroles de chanson Sò - I Muvrini

Sò di l'altu silenziu
In a terra di l'orti
Di l'ultimu licenziu
A'sti paese morti

Ma sò

Sò di un'anima pesta
Da l'assalti vigliacchi
È cundanna è arresta
Di minà un so fiacchi

Ma sò

Sò di quella acqua lesta
Chi frighje trà le core
Di a stana furesta
Longu à le borghe viote

È sò

Simu di u stessu esiliu
Trà le folle indiferente
U mo crede ùn hè figliu
S'unisce à la to mente

È simu

Dumane intrecceremu
E curone di a pace
Inseme canteremu
L'unità chi si face

Seremu
Seremu cunviati
À l'intimu di l'Esse
À populi mischjati
Ampareremu à tesse

L'Avvene

Si di un locu di fole
Natu à mezu à u lume
Isse sponde oghje sole
Ti ne scorre lu fume

Ma si

Si di un populu persu
Sbrisgiulatu in la storia
Fughji pè l'universu
A stampa di a memoria

Ma si

È si di un svegliu seccu
À l'albe di sufrenze
Quandu pichja u rimbeccu
Di tutte e indipendenze

È si