paroles de chanson De Wind Vun Hamburg (I've Never Been to Me) - Ina Müller

Kinners, och Kinners, heff ik mi freit op jau.
Ik bün nu so veel ünnerwegens ween
Un glööv mi man, de Tiet vergeiht so gau.
Wenn mi en froogt, wo't an schöönsten weer, denn segg ik jümmers:
'Oh, dat weet ik nich mehr!'
Ok wenn't logen is, ik heff doch jümmers wüst,
Wo ik eegentlich hen gehör

Ik heff al
Sopen in Kiel, harr in Leck lange wiel,
De Probstei mookt mi jümmer ganz high.
Ik heff sogor mol 'n Pries afhoolt, ut Kappeln an'ne Schlei.
Ik heff mien Auto sülvst schoben, domols dörch Bremerhoben,
Un dorbi hebbt se mi sogor blitzt.
Ik heff mi jümmer freit
Wenn de Wind vun Hamborg weiht.

Kinners, och Kinners, is nich so, dat mi wat fehlt.
Over Nachts alleen sünd miene Fööt so koolt, de Falten liggt deep
Un ik föhl mi so olt.
Hölpt dor nu'n Kind, ode kööp ik mi'n Hund,
Blots för mien Bindegewebe is so'n Kind nich gesund.
Wat ik würklich bruuk un wat mi hölpen deit,
Dat is de Wind, de hier boben noch weiht.

Ik harr't op Sylt jümmer hilt, stünn in Niebüll inne Küll
Un in Gelting dor heff ik al dreiht,
Heff op St.Pauli de Nutten sehn
Un bün mit 100 dör Husum neiht.
Ik heff sogor'n Vedrag, mit'n Quickborn-Verlag
Un in Aurich dor heff ik mol blarrt.
Ik heff mi jümmer freit
Wenn de Wind vun Hamborg weiht.

Wie mi dat freit, wenn dat düchdich weiht,
Wenn man löppt warrt de Kopp richtich kloor.
Un wenn Du denn in de Nordsee speest,
Warrt allens, wat Du di wünscht wohr.
Denn is Plön sogor schöön,
Sünd ji in Plön al mol ween, wenn de Wind dor so richtich dör weiht?
Ik heff mi jümmer freit
Wenn de Wind vun Hamborg, de Wind vun Hamborg weiht.