paroles de chanson Mere Dil Mere Musafir - Iqbal Bano

Mire dil, mire musāfir
Huā phir se hukm sādir
Ki vatan-badar hoñ ham tum
Deñ galī galī sadā.eñ
Kareñ ruḳh nagar nagar, kā
Ki surāġh koī paa.eñ
Kisī yār-e-nāma-bar kā
Har ik ajnabī se pūchheñ
Jo patā thā apne ghar kā
Sar-e-kū-e-nā-shanāyāñ
Hameñ din se raat karnā
Kabhī is se baat karnā
Kabhī us se baat karnā
Tumheñ kyā kahūñ ki kyā hai
Shab-e-ġham burī balā hai
Hameñ ye bhī thā ġhanīmat
Jo koī shumār hotā
Hameñ kyā burā thā marnā
Agar ek baar hotā!

Poet: Faiz Ahmed Faiz
Vocalist: Iqbal Bano