paroles de chanson Ako Na Lang - Jimmy Ricks

Wa ko maanad's kamingaw ni'ng atong paglakaw
Makabungol ang kahilom
Nagkadugay, wa na ko makaila nimo
Nagbag-ong na'ng tanan, wala ko'y mahimo

Kaybaw ko asa padulong ni'ng atong panaw
Nag anam-anam na ta og kalayo
Wala na ba'y bili ang mga panaad?
O kadali ba'ng nihupas ug nilubad

Naabot na ta's utlanan ni'ng tanan
Ug wala na ko'y dag-anan

Ako na lang
Ang motapos nato'ng duha
Diri na lang
Taman ang atong storya
Ug ihatod tika
Paingon sa kung asa ta
Gisugdan ang tanan
Dawaton ko'ng dili na gyud ako
Ang imong ulian

Di na kapugngan ang pagbundak ni'ng uwan
Pasagdan ko na lang kini
Nahurot na ang kusog ni'ng akong dughan
Tugutan ko na lang maundang kini'ng atong nasugdan

Wa ko naandam sa paghanaw ni'ng gugmaha
Wa ko nangandoy nga mahilayo ta
Kung ang pagbuhi ko ang nahabiling tubag
Dawaton ko aron mahilom na'ng mga pangutana

Naabot na ta's utlanan ni'ng tanan
Ug wala na ko'y dag-anan

Ako na lang
Ang motapos nato'ng duha
Diri na lang
Taman ang atong storya
Ug ihatod tika
Paingon sa kung asa ta
Gisugdan ang tanan
Dawaton ko'ng dili na gyud ako
Ang imong ulian

Wa na'y balikay
Wa na'y bawiay
Ug di ko mamugos
Kung wa na ka'y plano
Ako ang mangunay

Ako na lang
Ako na lang

Ako na lang
Ang motapos nato'ng duha
Diri na lang
Taman ang atong storya
Ug ihatod tika
Paingon sa kung asa ta
Gisugdan ang tanan
Dawaton ko'ng dili na gyud ako
Ang imong ulian
Dawaton ko'ng dili na gyud ako
Ang imong ulian
Dawaton ko'ng dili na gyud ako
Ang imong ulian