paroles de chanson A Voz das Evas - Leilía

Escoita, vai escoitando
Non toda a vida é tormento
Dos corazóns xorde o canto
Medra no traballo lento.

Escolle, vai escollendo
De toda a festa o cantar
O que lle ten sentimento
O que mellor vai soar.

Escolle, vai escollendo
Aprendendo, preguntando
As evas que tiña o mundo
Que pouquiñas van quedando!

Recorda, vai recordando
Que rápido van os tempos
O pandeiro no faiado
O cantar levouno o vento.

Escoita, vai escoitando
Escolle, vai escollendo
Recorda, vai recordando
Con orgullo e sentimento.

Con orgullo e sentimento
Ollos pechados no canto
A voz tinxe o silencio
O pasado latexando.

Con orgullo e sentimento
A súa vida nos cantos
Cantos dos que van morrendo
Muiñeira dos camposantos.