paroles de chanson Ya Ghafy Wa Eyonak - Majida El Roumi

يا غافي وعيونك لعيننا نور
زهرت عَ جفونك حبة البخور
قداسك الحقلة ومذبحك البيت
بحنية السبلة ركعت وصليت
يا شربل ساعدنا يا شربل احمينا

المحبسة وشو تضوي بقلبك بيوت
وإنخطافك يروي أشعار السكوت
شو يغمر كـْـتابك مخدة الحطب
وتبوّس ركابَـك طبق القصب
شربل ساعدنا. شربل احمينا

حبة قمح ترمي وسنديانة عروق
تركعـلَـك الكرمة تعصرها وما تدوق
حملتَك الخمرة لدمّ المسيح
وباركتها للصخرة كانتْ اْلَـك ضريح
شربل ساعدنا. شربل احمينا

يا عريس الطاعة هالأرض الـْ حبيت
غرقت بأوجاعا ضَوّي سْراج الزيت
رِدّها للعطا. رَجّعلها الأمان
إنت اللي انْعطى إلـَـك مجد لبنان
شربل ساعدنا. شربل احمينا