paroles de chanson Dear Mama - Makaveli

الهي عطيني جزء من الصبر الي عطيتو الها
الهي عطيني قدرة كون شي مرة محلا
الهي تحفظ الشمعة المنورة بهالبيت
الهي انت شايف فضلا وانا كمان مانسيت
قدمت وتحملت ظلام الدنيا الوحشة
قاتلت وناضلت رغم الظروف الشرسة
ماقصرت ولا لحظة كانت تفنى لتكبرنا
صدقي الدنيا من دونك مابعود الها معنى
من شغلا ترجع بابتسامة كل يوم فيا بحلم
عظيمة امي عم تضحك وهية عم تتألم
عطفك دافي فيض يملي كل الارض زهور
بكل يوم اسود تكوني انتي فيه النور
همك نحنا لو نمتي وبجوفك نام الجوع
مابقدر عوض لو شعلت ضلوعي شموع
انت طهر العدرا الزهرا يوسف وجمالو
تحت رجلك مافي جنة تحتا الكون بحالو
٩ شهور ببطنك كنت فيها هم كبير
كيف بدي عوض امي هالعمر قصير
ولد عاق كنت سامحيني لو زعلتك
عمري كان ينقص بكل مرة قهرتك
كل يوم بيوم رافقتني انجح بالدراسة
ودروسي بهالحياة منا كان اقتباسي
متل ماحملتي همي عطيني هلا ألامك
لحطا بقلبي موت ولا تنزل دمعاتك