paroles de chanson Esperta! Letárxica e Erma Fraga - Mileth

Danzan as meigas no oculto brumar,
Pautan co demo o seu espertar.
Retorcen as hedras do pedregal,
Do círculo ergue a vida colosal.

Lume lanzal, escoita o berrar ancestral.
Lúa chea, verte o sangue sobre o val.
Cornos do mal, concibir o meu espertar.
Letárxica fraga, esperta co meu cantar.

O orballo alimenta túa alma,
O lume novo arreda o inverno,
Da terra brota o teu corpo,
Esperta mística do ermo.

Sucumbe memoria ó bautismo
Sombreade lembranzas ós pinos

Formosa alborada de cortiza branca,
Garrida xeada con ósos de pedra,
No sentido do sol danzan as chamas,
No caos emerxe a fraga.

Brancos curutos, bóveda dos ventos,
Resplandece verde prado ós lamentos.
Escuma da vida, esculpe teu danzar
Pagás invocacións ós elementais.

Reliquia que futura terra fertiliza,
Sobre ira que leda brúa na brisa,
Morre o serán ós nosos ollos,
Renace Bríxida no crisálido soño.

E na danza do teu mirar vexo castros, vexo o mar...
E nos beizos do teu Imbolc vexo a arder a lúa, vexo xear o sol...

Esperta! No que foi dourado chan,
Esperta! onde tornou xélida a man,
Voltan as follas no alto a sombrear,
A verde ultraxe da cíclica fraga-nai.