paroles de chanson Katjiba - Muslim

هاذي أم ماشية فالليل
هازة ولدها
دمعة حارة فخذها تسيل
تبكي على الكبدة
جا نتيجة غلطة
و الأب بدل الجلدة
حيث يماه فلوس وهي غير خدامة عندها
و ماعندها لاين
ما عارفة شعا تعمل بيه
كيفاش عتعيش ما دابا نفوق كيفاش عتربيه
قلبها كايتقطع، ملي كايبكي و هي كاتشوف فيه
ومن غير لحليب لي في سدرها، ما عندها ما تعطيه
لواتو فبطانية ونزلاتو فالقنت و مشات
خطوات قليلة و من بعد وقفات
ملي سمعت البكية ديالو كتهرس السكات
دارت، شافت فيه شوفة الوداع و جرات
خلاتو يعيش في حضان الناس احسن ما يموت فحضنها
الظروف الي جعلت الأم تتخلى على بنها
سمحت فيه و مشات، و بقی مجرد ذکری
و عارفة بلي ملي يكبر محال يعذرها
كاتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها

هذا واحد كان عشير، مبلي بالدمعة
دالع، فالزناقي موسخ يطلب و يسعى
مركوزة فيه حتى لعظم حرافتلو يقطعا
بزز منوا يحضرلا فلوسها حيت المونو يرعى
و حيت مبلي هذي سنين ما كافيشي يردعا
کايحتاج منها بزاف حتى ولى فدمو يزرعا
كايجمع درهم بدرهم و باقي ما جمع والو
كلشي عايق بيه مبلي و العالم كي يسالو
مشی كايتلوى عند البزناز باغي غير شي بورصة
قلب فيه جرى عليه حيت فلوسو ناقصة
ما بقالو فين يعطي الراس و مشى كا يجري نالدار
يماه مسكينة مرة كبيرة، و بّاه فالقبر
ادَّالها التلفزة صاحا و غير فالحومة باعها
مشی بزربة جاب السخرة و من ديك ساعة
ما بان ما ظهر
حتى دلع فالحومة الخبر
بلي جبروه فواحد الخربة، مات مكوفر

كاتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها
هذا أب خارج يخدم على ولادو فخمسة دالصباح
قاصد طريقو داخل سوق راسو فهمومو يسرح
باش يختصر الطريق دايز غير بين الدروبة
درب مشبك بدرب ماشي بخطوات مزروبة
وقفوا عليه ثلاثة ملثمين فيدهم السلاح
كالاوه مع الحيط فتشوه ما جبروا ما يتزداح
الشمتة زادت فالمونو زادوا ولاو قباح
بداو كايضربوا فين ما جات قلبهم قصاح
مسكين كايشوف الروح ديالو قريبة تخرج منو
كيقطعوا فيه غير بالضحك دراري كا يتفننوا
أي واحد كي يشوف الموت كا يدافع على راسو
واحد فيهم كان قريب حيت تايق فراسو
ما نواشي فراجل كبير عيضربو بسمة فراسو
عيجيبو كاو فالارض و عيقطعلو نفاسو
مسكين كان ماشي غير يخدم، صدق غارق فالحبس
حيت جابتها الظروف كان لازم الدفاع على النفس
كاتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها
كاتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها
كاتشوف شي ناس قريبة
كيعملوا شي حاجات غريبة
ملي حياتهم كاتولي صعيبة
حيت الظروف كتجيبها