paroles de chanson Lghorba - Muslim

جبرتيني كنعيط للبلاد
توحشت الوالدين الخاوة
و خوتي و دراري دالحومة
الغربة ملعونة ، راك عارف
تبكي اللي عمرو ما بكى
حتى نتا عيط للحباب الخاوة
ما تنساش!
العز

كيف حالك آ يما توحشتك بزاف
توحشت نتخبى فحضنك ملي من الدنيا نخاف
أنا فالغربة بلا بيك مافحالتي ما يتشاف
بعض الساعات كانملّ يطلع فراسي الزعاف
كنتمنى نشد عيني نفتحها نجبر راسي حداك
ناقصني غير جناح و نولي نطير فسماك
ما قطعتشي لبحر باش نقول ما عندي الزهر
عطيتكم بالظهر باش نرجع بوجهي حمر
جيت بلاد الناس باش نخدم و ندمر
ضربت طريق طويلة و ملي عطشت شربت المر
أول خطوة في طريقي كانت غير شبر
شبر مورا شبر، بان الحلم و كبر
ضحيت بالماضي باش نضمن المستقبل
جمعت لعطور و خليت الورد يذبل
غريب مغرب بالبحر مزرب
و فاتوا سنين و ما بقالي والو نقرب

الغربة
ملعونة تبكي الي عمرو ما بكى
ملعونة تملكك و ما تملكها
الغربة
ملعونة تبكي الي عمرو ما بكى
ملعونة تملكك و ما تملكها

كنت طالع فرحان عندي العائلة فالغربة
غير وصلت مشيت نتيليفوني بزربا
و بقيت كنعيط و كل مرة كذبة
تسالاو الفلوس و نعست غير فالخربة
الغربة كلبة و بزز مني نحلبا
عمرو البراني ما تعطيه من قلبا
عريت على ذراعي و خرجت باش نتكرفس
خدمت في كلشي و على نفسي غير كنعفس
دوزت ليالي في الزناقي الباردة
ما زطامتشي في الخاوي واخا الخاوية واجدة
جيت باش نكافح
ماشي باش نضيع عمري شراب و تنافح
لعمر غالي خصو يمشي فالغالي
و الحلم اللي في بالي
نرجع نبلادي و الوالدين ديالي
راسي عالي
و جيبي مكالي
و جيب العز ولا كحز راس مالي

الغربة
ملعونة تبكي الي عمرو ما بكى
ملعونة تملكك و ما تملكها
الغربة
ملعونة تبكي الي عمرو ما بكى
ملعونة تملكك و ما تملكها

بلا مانقول ليك آ يما كيف يدوز نهار العيد
كاملين مجموعين و غير أنا اللي بعيد
الدمعة فخدي و جالس وحيد
الغربة مرة و في رمضان كتزيد
ما بقالي قد ما فات و نعدل الوراق
غتجبرني حذاك معاك قبل ما الشمس تشرق
نهار رجوعي كا نحس بيه قريب
باقي نغرق في رضاك و في حضنك نغيب
في بلاد الناس أنا عايش غريب براني
و طعم الغربة عمرو يحلى فلساني
أنا مغرب حيت بلادي ما عطاني
و قريب نرجع يما تسناني

في بلاد الناس أنا عايش غريب براني
و طعم الغربة عمرو يحلى فلساني
أنا مغرب حيت بلادي ما عطاني
و قريب نرجع يما تسناني

الغربة
ملعونة تبكي الي عمرو ما بكى
ملعونة تملكك و ما تملكها
الغربة
ملعونة تبكي الي عمرو ما بكى
ملعونة تملكك و ما تملكها

ياو (YEAH)
دراري د الغربة سلام عليكم (السلام)
جيب العز ولا كحز واش بيكم
ياو الغربة مرة ولبلاد راكم عارفين سرها
جيب العز ولا كحز الخاوة ديالي (علاش مغرّب؟)
قلي شني باغي تجرب؟
(جيب العز ولا كحز)

الغربة
ملعونة تبكي الي عمرو ما بكى
ملعونة تملكك و ما تملكها
الغربة
ملعونة تبكي الي عمرو ما بكى
ملعونة تملكك و ما تملكها

في بلاد الناس أنا عايش غريب براني
و طعم الغربة عمرو يحلى فلساني
أنا مغرب حيت بلادي ما عطاني
و قريب نرجع يما تسناني
في بلاد الناس أنا عايش غريب براني
و طعم الغربة عمرو يحلى فلساني
أنا مغرب حيت بلادي ما عطاني
و قريب نرجع يما تسناني