paroles de chanson Slami - Muslim

سلامي للي كافح
معري على ذراعو بغرط الزمان واقف صاطح
محضر لولادو طرف خبز وخى قاسح
وخى مسكين عاش مستور فحياتو ناجح
سلامي ، سلامي للي مرضي الوالدين
للي باقي فهاذ الزمان شابر فالدين
للي ناض يصلي لفجر واحنا راقدين
للي زهد فهاذ الدنيا و الفلوس واجدين
سلامي ، سلامي للي رزقو حلال
للي ربي عطاه المال و ذنوبو قلال
للي كيزكي وخى فراس مالو شحال
للي كيحس بالدراوش و عاملهم فالبال
سلامي ، سلامي للي فالغربة غريب
للي عايش معاهم و ما علق صليب
للي عايش بعيد و مانسى القريب
للي كيتوحش ناسو كل ما الشمس تغيب
سلامي ، سلامي للي قلبو كبير
سلامي ، سلامي للي قلع الشر و زرع الخير
سلامي ، سلامي للي عايش طاير حر يطير
سلامي ، سلامي للي باقي باغي الخير للغير
سلامي ، سلامي ...
سلامي ، سلامي للي قرى
للي شق طريقو بيدو خطرة
للي طمح طموح بعيدة وجرى
للي حلم أحلام كبيرة و جبرا
سلامي ، سلامي للي قلبو صافي
للي باقه فقلبو الرحمة حضنو دافي
للي داوي جراح الناس و لسانو شافي
للي يقسم مع خوتو طرف الخبز الحافي
سلامي ، سلامي للي يبغي بلادو
للي باقي جاري فيه دم أجدادو
للي على الأخلاق و القيم مربي ولادو
للي في ولادو زرع الخير ، مرتو و حفادو
سلامي ، سلامي ، سلامي للي صبر
للي عايش ضحك وخى الزمان يزبر
للي خيرو فوق الأرض هو فالقبر
و للي عاق بالدنيا الدنيا فالعمر
سلامي ، سلامي للي يخدم
للي كيفيق فالخمسة دالصباح الكفاح فالدم
للي ما عطاتو القراية و دخل صنعة تعلم
للي خدم مع الدولة و الشهرية كتألم
و للي واقف فالحدود مشرجي سلاحو
و للي دموعو سالوا ما سمعنا نواحو
للي دمو على الناس سال و ما حس بجراحو
للي مشارك فهموم الناس و ناسي فراحو
و لهذاك لي عندو الضمير باقي فايق
للي عندو مبدأ صحيح و فراسو ثايق
للي عايق بالوقت و ما ضيع دقايق
للي متحد مع خوتو ما بينهم شقايق
و لي عندو عشير فالدم و ما ناوي غدرو
و للي عندو حساب مع شريك ما باغي شبرو
و للي ربي بلاهم بالمصايب و صبرو
و سلامي للي حاسب حساب حسابو فقبرو