paroles de chanson Te Voglio Bene Assaje - Sergio Bruni

Pecché quanno me vide
Te 'ngrife comm'a gatto?
Nennè che t'aggio fatto
Ca no mme può vedé?
Io t' 'aggio amato tanto
Si t'amo tu lo saje

Io te voglio bene assaje
E tu nun pienze a me

'Nzomma songh'io lo fauzo?
Appila sié maesta
Ca ll'arta toja è chesta
Lo dico 'mmeretà
Io jastemmà vorrìa
Lo juorno ca t'amaje

Io te voglio bene assaje
E tu nun pienze a me

La notte tutti dormono
Ma io che vuò durmire?
Penzanno â nenna mia
Mme sento ascevolì
Li quarte d'ora sonano
A uno, a ddoje, a tre

Io te voglio bene assaje
E tu nun pienze a me

Recordate lo juorno
Ca stive a me becino
E te scorréano, 'nzino
'e llacreme, accossì
Deciste a me: "Non chiagnere
Ca tu lo mio sarraje"

Io te voglio bene assaje
E tu nun pienze a me

Guardame 'nfaccia e vide
Comme songo arredutto
Sicco, peliento e brutto
Nennélla mia, pe tte
Cusuto a filo duppio
Cu tte me vedrarraje

Io te voglio bene assaje
E tu nun pienze a me

Saccio ca nun vuò scennere
La grada quanno è scuro
Vatténne muro muro
Appòjate 'ncuoll'a me
Tu, n'ommo comm'a chisto
Addó lo trovarraje?

Io te voglio bene assaje
E tu nun pienze a me

Quanno so' fatto cennere
Tanno me chiagnarraje
Tanno addimannarraje
"Nennillo mio addo' è?"
La fossa mia tu arape
E lla me trovarraje

Io te voglio bene assaje
E tu nun pienze a me