paroles de chanson بعيد عنك - Umm Kulthum

نسيت النوم وأحلامه
نسيت لياليه وأيامه
بعيد عنك
حياتي عذاب
متبعدنيش. بعيد عنك
مليش غير الدموع أحباب
معاها بعيش بعيد عنك
غلبني الشوق وغلبني
غلبني. غلبني
وليل البعد دوبني
دوبني. دوبني
ومهما البعد حيرني
ومهما السهد سهرني
لا طول بعدك يغيرني
ولا الأيام بتبعدني
بعيد. بعيد عنك
لا نوم ولا دمع في عينيا
مخلاش الفراق فيا
نسيت النوم وأحلامه
نسيت لياليه وأيامه
وبين الليل وآلامه
وبين الخوف وأوهامه
بخاف عليك وبخاف تنساني
والشوق إليك على طول صحاني
صحاني. صحاني
غلبني الشوق وغلبني
غلبني. غلبني
وليل البعد دوبني
دوبني. دوبني
ومهما البعد حيرني
ومهما السهد سهرني
لا طول بعدك يغيرني
ولا الأيام بتبعدني
بعيد. بعيد عنك
افتكرلي لحظة حلوة
عشنا فيها للهوى
وافتكرلي مرة غنوة
يوم سمعناها سوا
خد من عمري
عمري كلو
إلا ثواني أشوفك فيها
من الشوق. آه من الشوق وعمايله
ياما. ياما بداريها ياما ياما
ياما بحكيها ياما ياما
بخاف عليك وبخاف تنساني
والشوق إليك على طول صحاني
صحاني.
غلبني الشوق وغلبني
غلبني. غلبني
وليل البعد دوبني
دوبني. دوبني
ومهما البعد حيرني
ومهما السهد سهرني
لا طول بعدك يغيرني ولا الأيام بتبعدني
بعيد عنك
كنت بشتاقلك وأنا وإنت هنا
بيني وبينك خطوتين
خطوتين. خطوتين
شوف بقينا إزاي أنا فين
يا حبيبي وإنت فين
إنت فين. إنت فين
والعمل. العمل. ما تقولي أعمل إيه
والأمل. إنت الامل
تحرمني منك ليه
عيون كانت بتحسدني على حبي
ودلوقتي بتبكي عليا من غلبي
وفين إنت. يا نور عيني
يا روح قلبي فين
فين أشكيلك فين
عندي حاجات وكلام وحاجات
فين دمعك يا عين
بيريحني بكايا ساعات
بيريحني بكايا ساعات
بخاف عليك وبخاف تنساني
والشوق إليك على طول صحاني
صحاني.
غلبني الشوق وغلبني
غلبني. غلبني
وليل البعد دوبني
دوبني. دوبني
ومهما البعد حيرني
ومهما السهد سهرني
لا طول بعدك يغيرني
ولا الأيام بتبعدني
بعيد بعيد بعيد
بعيد عنك