paroles de chanson لسه فاكر - Umm Kulthum

لسه فاكر قلبي يديلك امان
ولا فاكر كلمه حتعيد اللى كان
ولا نظره توصل الشوق والحنان
لسه فاكر كان زمان . كان زمان
كانت الايام فى قلبي دموع بتجري
وانت تحلالك دموعي وهي عمري
ياما هانت لك وكانت كل مره
تمحي كلمة من آمالي فيك وصبري
كلمة كلمة لما راح الهوى ويا الجراح
واللي قاسيته فى ليلي اتنسى ويا الصباح
والنهار ده الحب والشوق والحنان
لما تسألني أقولك كان زمان
لسه فاكر كان زمان .
ياما حليت لك آهات قلبي وهيّ
من قساوتك انت والأيام عليّ
كنت تسمعها نغم واسمع صداها
نار تدوب حبنا شوية شويه
النغم رجعت حلاوته القلب وفضلك اساوته
الهوى اللى هان عليّ ابتديت تعرف غلاوته
النهارده الحب سيرة وكان وكان
لما تسألني أقولك كان زمان
لسه فاكر كان زمان .
والليالي كنت بتسمي الليالي
لعبة الخالي وهي عمر غالي
كنت ابات أسأل عليك ظني ودموعي
وانت متهني بحيرتي وانشغالي
قل لي إيه قصدك معايا
بعد ما عرفنا النهاية
إنت إيه مشتاق لحبّي
ولّا لدموعي وقسايا
لما تسألني أقولك كان زمان
لسه فاكر كان زمان
كان زمان