paroles de chanson Scheiss Autag - Yavin17 feat. MaNy

Bini da, bini z spaat, i verliere de Draht
I wiis life is hard, aber wenn isch nice mau dra
S'isch mer egau obi Scheiss bout ha
Denn i ha langsam gnue vo dem scheiss Autag
Ha ki Plan, i wot gah, trotzdem blibeni stah
I wot zrugg id Jahr womi das nit gjuckt het gha
Wie het di Zit nume so schnäu chene vergah?
I ha ifach gnue vo dem scheiss Autag

I bi verzwiflet und i wiis nid wieso
I bi überfordert mit där Situation
Muess so vüu mache, i wiis nit wo azfah
I wetti lache, stölle fescht dassi nit cha, nei
Trurig vo Sache über di i mi setti freue
Z trurig zum Lache i wis nit was das seu
E Part vo mier siit, dassi das wärde bereue
As isch klar, dass nüt giht, i merkes ufs Neue
I bi broke und i säges, wili dezue stah
Mini Hope isch wäg, wili eh kini ha
Ja, Zit würd sich ändere, das isch mier oh klar
Doch was chunt us nächsts, us nächsts und dena?
Säge mier as chunt besser, immer weni mad bin
Stelle alles i Frag, es wird schlimmer das macht ke Sinn

Bini da, bini z spaat, i verliere de Draht
I wiis life is hard, aber wenn isch nice mau dra
S'isch mer egau obi Scheiss bout ha
Denn i ha langsam gnue vo dem scheiss Autag
Ha ki Plan, i wot gah, trotzdem blibeni stah
I wot zrugg id Jahr womi das nit gjuckt het gha
Wie het di Zit nume so schnäu chene vergah?
I ha ifach gnue vo dem scheiss Autag

Jeda Morge stahni uf und i frage mi wieso
Wiis gar nit, wie wos überhoupt so wit isch cho
Inisch giht's mer guet, grad chunt mer alles ummi gno
Ja u mir isch klar das cha nit witergah so
Alles chunt so plötzlich, aber doch so absehbar
Alles isch so schrecklich, aber doch so wunderbar
As füuht sich a, aus hettemi de Tüfu uf Radar
Nume schwarz u wiis, ja mis Läbe bipolar
Überau wo Liecht isch det gits oh immer Schatte
Oh wes gueti Mensche git, gits oh immer Ratte
Doch plötzlich gits a Sunnefinsternis
Plötzlich isch de Wäg vou mit Hindernis
Ha ki Bock meh uf das Gfängnis, i wot usbräche
As ligt mer uf de Zunga, doch i chas nit usspräche
Hamer vorgnoh, dass i mi nie meh la la schwäche
Figg dä scheiss Autag, i wot z Gitter ufbräche

Bini da, bini z spaat, i verliere de Draht
I wiis life is hard, aber wenn isch nice mau dra
S'isch mer egau obi Scheiss bout ha
Denn i ha langsam gnue vo dem scheiss Autag
Ha ki Plan, i wot gah, trotzdem blibeni stah
I wot zrugg id Jahr womi das nit gjuckt het gha
Wie het di Zit nume so schnäu chene vergah?
I ha ifach gnue vo dem scheiss Autag