paroles de chanson Main banda-e-ali hoon (Manqabat) - Zulfiqar Ali

Main Banda-e-Ali Hoon Mohabbat Ali Se Hai,
Waabasta Aaj Bhi Meri Qismat Ali Se Hai,

Momin Hai Wo Ke Jis Ko Mohabbat Ali Se Hai,
Kaazib Hai Wo Ke Jis Ko Adawat Ali Se Hai,

Allah Aur Rasool Se Ulfat Ali Ko Hai,
Allah Aur Rasool Ko Ulfat Ali Se Hai,

Taariq Ka Har Ek Waraq Hai Nigah Me,
Har Daur Me Quloos Ki Qeemat Ali Se Hai,

Badr-o-Hunain, Qandaq-o-Qaibar Gawah Hai,
Islam Ki Rago'n Me Hararat Ali Se Hai,

Waris Ali Ki Zaath Se Mansoob Hoon Rasheed
Mujh Banda-e-Haqeer Ko Nisbat Ali Se Hai.

Translated By: Sultan E Aalam Team