paroles de chanson SALAM YA SAHBI - Tamer Nafar

صاحبي, حبيبي, عالأرض بنازع
11 خزء بجسمو وعندي بس 10 اصابع
تغمضش عينيك, أرمش اذا سامع
تحملنيش هاي المهمة, مش راجع اقول لامك أنك مش راجع
سمعتها ب فلم, الأبن بدفن الأم
مش الأم تدفن الأبن, هيك الحياة بتم
صدرو بنزل, برجع بطلع
صيبوني أحكيه، حرك رموشك اذا بتسمع
هاي روسي عبسكليت, ذاكر وأحنا ولاد
قلتلي بنسرق منهم لأنو عندهم واحنا ما عنّاش
طب قوم شفو, وأذا سأل كيف أوصل البيت
قولو عشان توصل بدك طيارة مش بسكليت
وانتو، لا تحكموه اذا انتوا مش دايقين هم
بعرف انو ببيع سم، بدو يبعت امو عالحج
بدو يطوف الحارة في "ايمبريزا بي وان"
أتصلو بالأسعاف, قولولهم في كتير دم
نفرح فيك يا عريس
بدي اشيلك عالكتفين
جيب الدف وزيد نقوط
يا زين عرسك عرسين
نفرح فيك يا عريس
بدي اشيلك عالكتفين
جيب الدف وزيد نقوط
يا زين عرسك عرسين
عشو اللمة, خلو يتنفس, خففولي ضغط
وين الأسعاف, أتصلو كذبو قولو يهودي أنطخ
مين طخو؟ ملتمين؟ نتهبل عبعض
بس العرب اللي تخيل عبعض
سيبك منهم، انا هون، بس انا واياك
ذاكر الأستاذ في حصة الرياضيات
قالنا 9 زائد 9 يساوي 18
قلتلو جيبلي تسعتين بطلعلك M16
ولما سال، هل دارس مسرحية؟
قلتلو بعرفش شيكسبيير بس بعرف كم تاجر بندقية
مش فاهم، مش عم يجاوب، حد يتصل
يسأل ليش اسمكم أسعاف اولي أذا بتيجوا بالآخر
نفرح فيك يا عريس
بدي اشيلك عالكتفين
جيب الدف وزيد نقوط
يا زين عرسك عرسين
نفرح فيك يا عريس
بدي اشيلك عالكتفين
جيب الدف وزيد نقوط
يا زين عرسك عرسين
لما البوليس سالك بتعرف مين بجيب السموم هين
قلتلو طبعا" بعرف مين بجيب، الحكومة
مش بيجوا من برة البلاد؟ أنتو حرس الحدود
أحنا لا عنا سفن لا جيبات ولا رخص طيارات
قلت لأمك أنك نمت عند الصحاب، قالتلك
سمعت بالسجن, قلتلها يما هناك كل الصحاب
واحنا ؟ أحنا مش الصحاب, أحنا العيلة
شرينا قنينة لأنك راجع مع قصة الليلة
بصحتك, بصحتك, يا ناس
حد يساعدو يرفع أيدو, بحاول يضرب معي كاس
دير السيارة, ديرها مش حستناهم
بكرة انا واياه بنضحك في نص مستشفياتهم
انت امسكو من أجريه ، بمسك راسو أنا
حبيبي، بلا سلام يا صاحبي ، رمى راسو لورى