Текст песни Beny W Benak - Ahmed Kamel

وبعدهالك يا أحمد الناس بتنام وأنت إللي صاحي
مجرد أني بشوفك بتعيط بتزيد جراحي
يا ابني مالك؟
مهدود أمال بقى فين جنانك؟
وصوت ضحكك العالي، هزارك وعامل مش في بالك (آه)
أنا عمري مشوفتك مرة واحدة بتضعف كدة
ده أنت إللي بتنصح كل صحابك يقوا
إزاي الدنيا طالتك؟
بس مش مشكلة أنا برضو هفضل جنبك
ومشاكلك مهما كبرت أنت أكبر منها فأديلها ضهرك
بتكلم عني وعنك فبتتقهر
أنا مش محتاج أضحك عليك بوجع عشان أتشهر
الناس ملت دموع فمش هقولك أضحك
وأحمد كامل صبح إدمان لكل شخص سمع
متكدبنيش علشان هكرهك
في يوم هروح وننسى بعض و بيني وبينك ألف سد
بقى إللي رابطني بيك وجع
لو عشتوا نص عمري كنتوا عرفتوا معنى وجعي بجد
طيب جروحك، أشفي روحك، روح لحالك
سيب حياتك ضحك وإنسى إنك تعبان ما هي مش ديمالك
خلي إللي يقول يقول إنت القمر ويا النجوم
ومحدش هنا هيطول يبص في عينك
أصلك فوق في العالي دموعك غالية يا سيدنا والكل بقى يعرفك
يا بختك لو هحبك يا ويلك لو كامل يكرهك
زي الطرب بنسلطن ناس في قاعدة مغنى
وأهو كله منا لحاله بيروح ونلقى في وسط غلط
إختار صاحب يودك مش يبص في رزقك
إختار الصحبة الصالحة، دور صح في نفوس وسخة
إختار التعب لو راحتك هتقل من كرامتك
خليك مآمن إنك ماشي وإن الدنيا ديه رحلة
كان حلمك علي الحطان برواز
إتعلم تاخد بالك وأن بيتك من إزاز
خليك لحالك جنب الحيط
وهاتلي حد فضل جنب الحيط كمل حياته وعاش
(وهاتلي حد فضل جنب الحيط كمل حياته وعاش)