Текст песни 3al Nawasy (feat. Wezza Montaser) - Ali Loka

عـ النواصي تدور مصايب
محدش فايق كله ضارب
واللي جاي زي اللي رايح
محدش فاهم حاجه خالص

من صغر سني وأنا ضايع
إتعلمت وقالوا صايع
صحابي بعدوا من حواليا
ورجعوا ليا وأنا صارف

يا زمان الكل باعني
أقرب ما ليا اللي وجعني
ملقتش حد يواسيني
مسمعتش غير آهاتي ودمعي

لا فيكو صاحب ولا غالي
عداني العيب عداني
محدش سألني أنا مالي
كلها بتسأل عن مالي

اللى ساب زي اللي كمل
لا جيه بفايدة ولا أهو إتعلم
مبقتش أحس ولا أتألم
من كتر الغدر يابا موجوع

الحق ليا مفيش جمايل
جوا قلبي منكو شايل
بتقولوا الحلو فـ ضهري جايز
بس الغل بينكوا زايد

النية سودة نفوسكو صدت
يا خسارة العشرة ياريتها تمرط
مشوفتش فيكو حد صافي
مدينا إيدين لكلاب وعضت

ولا تعبوا، ولا زهقوا
عابوا فينا مع كله وغلطوا
خدوا خيرنا، شافوا غيرنا
ولا عيش ولا عشرة بيبقوا

بتحوش وتخزن بنضيع في الكاش
دماغنا عـ الفايق ودماغكو في الهاش
عـ السكة وعـ الدغري منحبش غشاش
لو جاي بتعوجها لمصلحتك بلاش

كله إتجمع عـ المصالح
لما راحت كله رايح
خليهالك النصايح
بكرة ييجوا ومش هصالح

مش هداري ولا أخبي
كله جاي من جوا قلبي
مشوفتش فيكو حد جنبي
فا عليكو مش هسمي

وزة الدنيا مكنتش بمبي
عديت بطولي كله وحدي
محدش فيهم غالي عندي
هدوس عـ الكل أنا وهعدي

عـ النواصي تدور مصايب