Текст песни Akeno Embareh - Ali Loka

بيوحشني اللي بينا وبفتكر ضحكتنا وبفتكر كلامنا المعسول
لو بإيدي أنا أختار الليالي اللي بينا وما أختارش لبعادنا ده يطول
كل أما أجي أفكر بتيجي في دماغي، تملي أنا بيكي مشغول
عمال أقنع نفسي إني نسيت ومن بعدك قلبي أنا مقفول

وليه رضينا ولا نسينا وأدينا بنتوه
عاملة تيجي على بالي في ليالي بتطول
وليه رضينا ولا نسينا وأدينا بنتوه
عاملة تيجي على بالي في ليالي بتطول

أكنه إمبارح
عامل أفكر لسه فيكي أكنه إمبارح
وقلبي لسه مش ناسيكي وعقلي سارح
في كل ذكرى كات ما بينا لسه سارح
ولسه سامع
صوتنا، نحكي بالساعات
نتكلم في اللي فات
ونرتب للي جاي أكنه كان مسلمات
كلام يجيب كلام ونفتح في حكايات
حياتي ماشية حلو بس نفسياً مش تمام
وإنتي عاملة إيه من بعدي طمنيني
إحكيلي ما تسبيش تفصيلة عرفيني
قالولي كنت بوحشك وبتسمعيني
ما أنا غصب عني برضه كنتي بتوحشيني

وليه رضينا ولا نسينا وأدينا بنتوه
عاملة تيجي على بالي في ليالي بتطول
وليه رضينا ولا نسينا وأدينا بنتوه
عاملة تيجي على بالي في ليالي بتطول

لا هنحكي في مين غلطان
عدينا ياما كتير أخطاء
بينا ياما كتير أسرار
مين فينا بس ما طلعش خسران

هحكي ع اللي جرالي في بعادك كان مالي سهران الليالي وبتوه
وإني مهما بداري ومهما بتداري بيبان كل شيء في العيون
وليه رضينا ولا نسينا وأدينا بنتوه
أجي في بالك تيجي في بالي ده نصيب مكتوب

وليه رضينا ولا نسينا وأدينا بنتوه
عاملة تيجي على بالي في ليالي بتطول
وليه رضينا ولا نسينا وأدينا بنتوه
عاملة تيجي على بالي في ليالي بتطول