Текст песни Mon leme - Maloya - Baster

Partou dési la tér, la misik lé dan nout kér
Bob, roulèr, kayanm oté, po giny mét ansanm
Kan néna kabar lo swar, donn anou gran lespwar
Lespwar po libéré oté, in pèp dan malizé

ROFRIN
Té mon lémé, té mon doulou
Mwin la bozwin kiltir mon péi
Maniok, patat, dori, mayi po nou manzé
Bambou triyang osi po kri nout pansé

Dann karo mayi lé dir giny in zépi
La vi ti plantèr la gaté wi lé plin traka
Dann karo dori osi lé pa pli malizé
Bélié, malpiak, martin i ranpli zot vant

ROFRIN

Partou dan Larenyon néna bonpé nasyon
Kaf, Malbar, Sinwa, Zarab, Yab nou lé réyoné
Lé vré sakinn na son manir, son manir war la vi
Wi mon lémé, wi mon doulou nout tout i koz kréol

ROFRIN

Mon kiltir mon langaz mon manir war la vi mon lémé
Sa minm mon kalité linité in nasyon réyoné