Текст песни Dahab - BilalShabib

شغلي كلو غالي هذا البيت من دهب
فضة عرقبتي من قبل ما اكون
رابر عن قريب اسمي يحمل بلد
بحصد بسوادي و انا زارع فيي نور

وضعي زي بلادي ب ازمة اقتصاد
عقلي زي الغرفة ما برتب الامور
مش معروفة قيمتي زي السين و صاد
بَعطيني حل لنفسي لما اكثر السطور

بحب هذه الطبيعة لكن بكره المناظر
شعبي بكره الحقيقة بحكم عالمظاهر
نخبي بالعيوب بلكي يحبو شو اللي الظاهر
جسمي مش عفيف لكن قلبي طاهر

بشرب كل اسراري صفى بطني بير
بصير عندي ارقام لو امسح جوخ كثير
بس يكون معك مصاري بصير الما بصير
كيف اكبر لحالي لما يكون صاحبي كبير

و انا هون احس ببرد بس ببلدي
و انا هون ماسك فرد هذا عددي
و انا عندي بس الصوت هذا مددي
هذا مش بس شوط هذا ابدي

تعرفش اوضاع العيلة قد ما تشوف الدور
التفكير الزايد بقتل كم من واحد ميت؟
كمية الناس الميتة المش موجودة بالقبور
ف قضيتها الليلة على نبضي عم بشيّك

براسي عالم ثاني مين ياخد مكاني
بحكي انا سيء بس كثير كويس
عندي شخصيتين ما بحتاج لنصّي الثاني
بخلط حب ب اكسجين لكن صدري ضيق

و عارف هاي حياتي لكن ليش كل مرة تصيب
يصيبني انتقاص قبل الانتصار
بطلت اروح دكتوري كنت احس حالي غريب
تعبت من التعب بعد الانتظار

و علي صوتي رح اقاتل المحال
ما بتغير حالي لو اغير المكان
لساتني دايماً بغلط لأني مش ملاك
لو البس اغلى ساعة ما بتغير الزمان

و انا هون احس ببرد بس ببلدي
و انا هون ماسك فرد هذا عددي
و انا عندي بس الصوت هذا مددي
هذا مش بس شوط هذا ابدي