Текст песни Mosaik (feat. Aaron Asteria) - Bligg , Aaron Asteria

"Dä Gigi vo Arosa" - dä "Sohn vom Pfarrer"
Und dä "Schacher Sepp" lönd d'Champagner-Korke knalle
Händ "Kei Bock" meh uf dä Job und wännds "LaBambele" lah
"Oh Läck du mir - Oh läck du mir" - sie chömmed langsam in Fahrt

Und zwar im "Hippie Bus" uf "Tubel Trophy" - z '"Bälpmoos" verbi
Bis as Festival am "Louenesee" - "Manhattan" wär z'wiit
Churz "z'Nüni nä" am "Kiosk" und dänn ab as Usflugsziel
Im Radio lauft "Déjeuner en paix" und "Juicy"

Ja da chunnt d"Petra Sturzenegger" no per Autostop mit
Wo jedes mal wänn "Will Nomeh" lauft mit em schlaue Chopf nickt
Dä Sepp hätt es Zundhölzli azünd - steckt e Zigi a - und seit:
"Heitere Fahne" mir sind da!

Eusi Kläng - Eusi Text - Eusi Beats - usere Melodie wird ä Symphonie
Eusi Kunst - Eusi Art - Eusi Ziel - Musigg i dä Schwiiz als Therapie

Mir baued eus es Mosaik - Es Mosaik us Moll und Dur
Eis wo de Ton a git - und hinterlönd e grossi Spur
Wo im Vaterland uf Muetter Erde - Chind chönnd erbe
Solangs die Wält no git - Mir baued eus es Mosaik - Helvetia singt mit

Es Festival am See - vo "Alperose" umgeh
Strahlt in ganzer Pracht - als wärs en "Schwan" so wiis wie Schnee
D'Jungs sind "Dunne mit de Gang" e so wie "Vögel ohni Flügel"
Es schiint als "find da s'Glück eim"
Wänn dur d'Boxe "MundART" chüblet

"Mir händ nur welle wüsse" Isch da no frei? fröged Stimme
E Clique "Swiss Ladys" gsellt sich zu ihne
"Severina" - "Angelina" - "D'Frau Stirnimaa" und "Rosmarie"
"D'Charlotta" rüeft per "079" no dä "Rosalie"

Mir händ "Süpervitamin" strahlt de Pfarrer-Sohn dä Flegel
D"Hemmige" am sinke - defür stiigt dä Pegel
Es paar sind "Giggerig" - Es paar "verschänked ihres Herz"
Und sueched "Ewigi Liebi" - anderi "Sex" und das wärs

Eusi Kläng - Eusi Text - Eusi Beats - usere Melodie wird ä Symphonie
Eusi Kunst - Eusi Art - Eusi Ziel - Musigg i dä Schwiiz als Therapie

Mir baued eus es Mosaik - Es Mosaik us Moll und Dur
Eis wo de Ton a git - und hinterlönd e grossi Spur
Wo im Vaterland uf Muetter Erde - Chind chönnd erbe
Solangs die Wält no git - Mir baued eus es Mosaik - Helvetia singt mit

S'isch wie e "Ziitreis" - "Scharlachroti" Schiiwerfer sind sind a
Und au wänn nöd all s gliche wännd - sind all wäg em gliche da
Gigi frögt wer bruucht "Amerika" und schänkt "Campari Soda" i
"Musigg i dä Schwiiz" - "Für immer uf di"

Mir baued eus es Mosaik - Es Mosaik us Moll und Dur
Eis wo de Ton a git - und hinterlönd e grossi Spur
Wo im Vaterland uf Muetter Erde - Chind chönnd erbe
Solangs die Wält no git - Mir baued eus es Mosaik - Helvetia singt mit