Текст песни Gentleman - Bligg

Nur für dich schrib ich das Lied - Nur für dich bin ich rasiert
Nur für dich han ich s'Bolero abonniert
Nur für dich drink ich kei Bier - all mini Fründe ussortiert
Nur für dich vegetarisch usprobiert
Nur für dich träg ich hell - gib ich mich intellektuell
Gang a fraue demos wohl oder übel
Nur für dich hani mich - obwohl ich friedlich bi
Mit ere Überzahl Schlägertype prüglet

Ich chumm mit a Ayurveda kuure - rede gschwulle über Partiture
Halte mich ufzmal a all Strukture und verzichte uf Party-Toure

Ich bin en Gentleman - (Ohhh Ohh Ohh Ohh)
Und ich mach alles für dich Baby - (Yeah Yeah Yeah!)
En Gentlemann - (Ohhh Ohh Ohh Ohh)
Damit du bi mir bliibsch Baby - (Yeah Yeah Yeah!)

Nur für dich chumm ich in Starbucks - Nur für dich poscht ich im Zara
Nur für dich chunnt uf min Täller numme gsunds
Nur für dich nimm ich Viagra - post en Spruch vom Dalai Lama
Nur für dich game ich nüme mit dä Jungs
Nur für dich träg ich Crocs-Sandalä - han afange Bilder male
Und es liit dä Knigge näbem Bett
Nur für dich sitz ich ab bim pisse - all Nacktmagazin verrisse
Klar bin ich friedlich mit dim Ex

Und ich chumm mit dir überall hi – au id Philharmonie
Nur für dich als Liebesbewiis und ganz vill Harmonie

Ich bin en Gentleman - (Ohhh Ohh Ohh Ohh)
Und ich mach alles für dich Baby - (Yeah Yeah Yeah!)
En Gentlemann - (Ohhh Ohh Ohh Ohh)
Damit du bi mir bliibsch Baby - (Yeah Yeah Yeah!)

Am ne Morge wach ich uf und uf em Chüssi näbed mir
Liit en blinde Passagier in Form vom ne Stuck Papier
Ich seg en Langwiiler und drum heg sie müsse gah
Sie liebi jetzt dä Rocco dänn dä seg en ächte Maa

Alles klar - ja ja ja - Du wottsch en Maa - Mhmm Mhmm Mhmm
Alles klar - ja ja ja - Du wottsch en Maa? - Das chasch du ha

Ich bin en ächte Maa - (Ohhh Ohh Ohh Ohh)
Und endlich wieder am Start Baby - (Yeah Yeah Yeah!)
Ich bin wieder da - (Ohhh Ohh Ohh Ohh)
Grad z'Leid mach ichs im stah Baby - (Yeah Yeah Yeah!)

Ich bin en ächte Maa - (Ohhh Ohh Ohh Ohh)
Suuf mit de Kumpels um d Wett Baby - (Yeah Yeah Yeah!)
Ich bin wieder da - (Ohhh Ohh Ohh Ohh)
Und land mit jederä im Bett Baby - (Yeah Yeah Yeah!)
Ich hoff du häsch jetzt was du wettsch Baby!