Текст песни Es Eju Nu Latgalis - Borowa MC

Tāvzemei veļteita.

Es eju nu Latgaļis.
Bruoļ latgaļīt,
Voi taida tova dzeive?
Taida tova dzeive...

Ir vosoras dīna,
Saule speid kai nikur,
Veļ pļavā zuole pilna
Ar svaigu reita rosu.
Šeit cylvāki jov naguļ,
Ar pirmīm gaiļīm ceļās.
Puorzakrista, nūzamozgoj,
Paād mozu brūkašku.
Uzsuok tī atkal sovu ikdīnas gaitu.
Ikdīnas gaitu...
Jīm ganeņš mozs vel puika,
Nikuo tys nasaprūt,
Tam gryuši agri ceļtīs, bet kū?
Taids liktens jam lamts,
Kod citi bārni guļ veļ,
Tod ganeņš myusu lūpu boru gona.
Nav vīglai, tam suortūs vaigus bīžai osora rūtoj.
Bet jis napadūdās, tik dora dorbu kuorteigi.
Vacuoku cereibas attaisnoj jis.
Dāls muocīs un dorbu sovu meiļoj.
Varbyut tod uz augšu dzeivī tiksi tu.
I dāls šū padūmu īvāroj labi.
Īvāroj labi...

Es eju nu Latgalis.
Bruoļ bruoļ bruoļ bruoļ latgaļīt,
Voi taida tova dzeive?
Taida tova dzeive?

Par beidzamū kapeiku školu beidza myusu gons.
Par sovu dorbu tam vīnu uzvalku šuva.
Beja laiks i jis devēs tuoļi prūjom ar sirdī kvālu līsmu - tik izasistīs!
Jam veicās - ar sovu dorba mīleisteibu jis lylu naudu peļņāja.
Un dreiž viņ par lelu veiru kļuva.
Bet ganeņš myusu pazuda.
Dāls klausāja tāvu, muoti i dzeivie tuoļi tika, tik tagad
Jam kauns par tū vītu, nu kurīnes jis sovu pasaules ceļi reiz suoka.
Ceļi reiz suoka...

Es es es
Es eju nu Latgaļis.
Bruoļ bruoļ bruoļ bruoļ latgaļīt,
Voi taida tova dzeive?
Taida tova dzeive?

Bet puiku tok saprast arī var.
Kas jam vairs tei Latgale? Vīna bādu zeme.
Kur cylvākim nav dorba, kur volda bezcereiba, kur kotrs trešais dzer, nazyna, kas gaida tū, reitam bīžai juodūmoj par kū maizi reitam pierkt.
Maizi reitam pierkt...
Latgaļīts latgaļīšam nava te vairs bruoļs.
Nava te vairs bruoļs...

Es eju nu Latgaļis.

Nav te dzeive vīgla, apsmej bīžai latgaļus, nacīna jūs volūdu,
Bet tys it nikas! Es eju nu Latgaļis i asmu par tū lepns.
Asmu par tū lepns...
I voi var byut kas skaistuoks, kad pīzaceļ nu reita, padzer svaigu pīnu īelpoj gaisu, aizej uz mežu i skaistu dzīsmi suoc.
Skaistu dzīsmi suoc...

Es eju nu Latgaļis.
Bruoļ latgaļīt,
Voi taida tova dzeive?
Taida tova dzeive...
Vītā, kū par Latgali sauc.
Latgali sauc...