Текст песни Aking Lahi - Flict G

Maging dalisay
Sa gitna ng isang digmaang
Ngayo'y dinadaos sa isang sinukob
Sa gitna ng kagutuman
Sa gitna ng kamatayan
Sapagkat ang kamatayan ma'y matamis
Katulad ng itinuro ng ating mga bayani
Kung ya'y magbubunga
Ng isang pag-asa't ng isang adhikaing
Pinagpakamatayan nila

Tatlong daang taon kang sinakop ng banyaga
Lumaban upang kalayaan matamasa
At sa paglaya mo ay nagbigay pag-asa
Na ipinunla mo sa puso ng masa
Ngunit marami pa ring gusto kang maagaw
Kapitbahay mong unti-unti kang ninanakaw
Mga anak mong 'di nagkakasundo
Mga taong mas matimbang ang pera kaysa dugo
Ngunit pagkatapos mong makipaglaban
Bandang huli, unti-unti mo ring nalaman
At lumabas na ang katotohanan
Na mismong sistema na rin ang kalaban

(Isang bansa, isang lahi)
Pilipino tayong lahat (isang dugo, isang tinig)
Bakit Pilipino (isang kulay, isang isip)
Ang nagpapahirap sa kapwa Pilipino? (Isang ritmo, isang himig)
(Isang hakbang, isang sulong) Mga kababayan
Hindi naman dapat ganon ang siste- (isang mithi, isang pangarap)
(Isang puno, isang ugat) At sa pagkakataong ito
Gusto ko lang ipaalam sa inyo na (isang lupa, isang dagat)

Daytoy nga kansyon para dagiti kababayak
Ipanpanakel ko ti daga nga nakaiyanakak
Isnan naet-etken ay kinatured na et adi sinmuko
Tapno magunon nan way waya tako
Nanduroman lengwahe sikatayo et saksakey
Nasarag tayon amin so problema nu mankakasakey
Masikan parang kalabo aliwa ing kakung sipag at tiyaga
Ali ku paapektu king ninu mang banyaga
Mandirigma aking dugo, matapang at lalaban
Handang ipagtanggol ang perlas ng silanganan
Gabos na mga problema, satong malalampasan
Dae kita mapadaog, maski na kinsay pa man

(Isang bansa, isang lahi)
Lahat tayo, Pilipino (isang dugo, isang tinig)
Magkakaiba man tayo ng salita (isang kulay, isang isip)
Magkakaiba ng isla (isang ritmo, isang himig)
Magkakaiba ng relihiyon (isang hakbang, isang sulong)
Ke Kristiyano ka man
Ke Muslim ka man (isang mithi, isang pangarap)
Ke half-Filipino ka man (isang puno, isang ugat)
Kahit ano'ng mangyari (isang lupa, isang dagat)
Pilipino ka pa rin

Ginsakop kita han banyaga, ngunit kitay lumaban
Ha bulig han mga bayani na may ada kakusugan
Gihigugma kong Pilipinas, diri ko nagdako
Buluwanon, aduhanan, kini akong pulo
Mga Pilipino nga maisog ang ara sa ibabaw
Para makabuhi sa kamot sa iban lahi nga pangayaw
Da bukae so bangsa initind'g so kawaraw
Mitind'g bo so singanin kalilintad ago gagaw

Laki katupuan di mapatungad sa panggi
Mukit man igutom, oh, ulan nyakami bon estidi
Bang awun dun mang gura tawaga sadja aku
Bisan pa ikamatay ha hula tindugan ku
Pagbantu ku Pilipino ku bisan pusine
Panji ten tenggehan ku kau bisan pe mag-ine
Nuay pwede pelya miski kien kontigo
Grita yo enter mundo, iyo ay Pilipino

(Isang bansa, isang lahi)
Bakit kailangan mong kalabanin ang kapwa mo Pilipino?
Ang dami nating kalaban
Sinasakop na naman tayo ng mga dayuhan
Kinakamkam isa-isa 'yung mga isla sa kanluran
Sa tawid-dagat, 'yung mga inaapi nating kababayan
'Yung mga mapagsamantalang mayayaman
'Yung mga ganid sa kaban ng bayan
'Yung mga abusado sa kapangyarihan
Ang dami, sobrang dami
Pero kaya nating talunin 'yang mga yan
Paano? Kung magkakaisa tayo
Ito, sasabihin ko sa inyo
Walang mang-aapi sa bansang Pilipinas
Kung lahat tayo titindig para sa isa't isa
(Tatlong bituin at isang araw)