Текст песни Silenzio cantatore - Luciano Pavarotti , Giancarlo Chiaramello

Zitta, stanotte nun dicere niente
Cademe 'mbraccia, ma senza parlà
Dormeno 'e ccose 'nu suonno lucente
'Nu suonno 'e 'na notte d'està

Marì, dint' ô silenzio
Silenzio cantatore
Nun te dico pparole d'ammore
Ma t' 'e ddice 'stu mare pe' mme

Dimme: stanotte sì tutta d' 'a mia
Ll'uocchie tuoje belle me diceno 'e sì
No, cu 'sta luna, nisciuna buscia
'Sta vocca busciarda pò ddì

Marì, dint' ô silenzio
Silenzio cantatore
Nun te dico pparole d'ammore
Ma t' 'e ddice 'stu cielo pe' mme

Cielo, rispunne! Rispunneme, mare
Stelle, pecché nun vulite parlà
Napule, dimme: sò ddoce o sò amare
'Sti llacreme c'aggi' 'a jettà

Marì, dint' ô silenzio
Silenzio cantatore
Nun te dico pparole d'ammore
Ma t' 'e ddice 'o silenzio pe' mme

Zitta
Marì