Текст песни Masama Yan - Gloc-9

Bakit mo ba pinapakialaman ang mga ginagawa ko?
Teka, mayro′n ka bang alam
Sa mga nangyayari sa'kin? Tinapanimulan
Na walang kahumpay-humpay na kamalasan
Teka muna, ′di ba mayaman ang iyong ama?
Oo nga, eh, bakit nagrereklamo ka pa?
Kasi unang-una, hindi niya binibigay ang mga kailangan namin
'Di na malaman ng aking ina

Kung kanino nangutang, umutang, pautang ulit
Pati pambayad namin sa ilaw ay laging gipit
Listahan sa tindahan na habang pilipilipitin
Ang salabat at si alibambang at sitsiritsit
Lahat 'yan ay kasalanan ng ama kong magaling
Kaya kung minsan ay ′di ko maiwasang hilingin
Na mawala nang tuluyan dito sa ′king paningin
Ilagay sa ataol at tuluyan nang ilibing

Anong ilibing? Sino na naman ang namatay?
Wala pa naman pero baka sumunod si Itay
Sa panaginip ko lamang naman nailalabas
Ang aking galit, tanong ay bakit napakagilas
Na tadhana, na masagana?
Mga taong hindi inaalintana
Ang tulad mo na laging nasa bintana
Iniintay na lumuhod ang mga tala

Eh, pa'no ′yan? Malapit na'ng bayaran ng tuition fee mo
Okay lang ′yan, alam ko naman ang bahay ng ama ko
Teka, nako, mukhang may balak ka na masama
Ba't mo alam? Kasi wala ′kong tiwala sa 'yong mukha
Mauuna na ako, may pupuntahan pa ako
Kita tayo sa Sabado, tatapusin ko lang ito, sige
Ang akala mo 'di ko alam kung saan ka pupunta
Kahit na nauna ka, sinundan pa rin kita

Teka nga muna, tigilan mo ′yan, masama ′yan
Wala kang mapapala, bitawan mo na nga 'yan
Simula ngayon, wala nang pakialamanan
Pero masama ′yan, teka, masama 'yan
Teka nga muna, tigilan mo ′yan, masama 'yan
Wala kang mapapala, bitawan mo na nga ′yan
Simula ngayon, wala nang pakialamanan
Pero masama 'yan, teka, masama 'yan

Napakaganda nga pala ng bahay ng aking ama
Na dapat din pala sanang bahay din ng aking ina
Pero bakit sila, tinuturing niya kaming iba?
Kinalimutan, ′di nanghinayang, ngayon ako naman ang babawi
Sa kayamanan, ako na manghahati
Pero teka, pa′no 'yan? Wala ka namang susi
Sawa na ′ko na palagi na lamang lugi
'Wag ka maingay, manood ka nang mabuti

Pagkatapos ko maibukas ang kandado
Buti na lamang wala ′ata silang aso
Hoy, tingnan mo kung tulog na ang mga tao
Wala na, kaya pinasok ko ang kuwarto
Ng aking ama na nasa opisina
Kinuha maleta na punong-puno ng pera

Pero bago 'yan ay mayro′n nakitang batang may dalang magazine
Na 'di dapat siya ang tumitingin, sino ka?
Agad ako napasigaw pero 'di ko nilakasan
Kasi baka maligaw ang mga guwardiya
Na biglang mayro′ng pumasok na isang dalaga
Akala ko walang sinabi nu′ng una
Hindi ko alam, magaling pala manipa
Teka, bakit ka nagpakita?

Pa'no ′yan? Bilisan mo, sige, salag
Iwanan mo na lamang kaya baka mabalibag
Yuko, dapa, talon, ano ba'ng masakit?
Binalaan naman kita, ikaw lang ang makulit
Pero malupit, kita mo naman nakatalon
Napakayabang mo talaga, ′wag ka na lumingon
Sige ka, baka dumating ang mga pulis
Madami na tayong pera ngayon, halika, bilis

Teka nga muna, tigilan mo 'yan, masama ′yan
Wala kang mapapala, bitawan mo na nga 'yan
Simula ngayon, wala nang pakialamanan
Pero masama 'yan, teka, masama ′yan
Teka nga muna, tigilan mo ′yan, masama 'yan
Wala kang mapapala, bitawan mo na nga ′yan
Simula ngayon, wala nang pakialamanan
Pero masama 'yan, teka, masama ′yan

Teka nga muna, tigilan mo 'yan, masama ′yan
Wala kang mapapala, bitawan mo na nga 'yan
Simula ngayon, wala nang pakialamanan
Pero masama 'yan, teka, masama ′yan