Текст песни Lyubow Orlowa - Greis feat. Helenka Danis

Drittletschte Logbuech-Itrag
Ds Radio isch iz stiu sit vier Tag
Aus wäre mir no die Einzige uf däm Ozean
U de empfahni plötzlich wider ds gliche Notsignau
Usem Funk chunnt Musig, ä Sonate
Ä Frouestimm, SOS i Form vo Operegsang
I funke zrügg frage nach Koordinate
Doch offebar chunnt nach wie vor mini Antwort nid ah.
I läbe scho so lang uf däm Frachtschiff
Lose ihrem Gsang zue bis' Nacht wird u frag mi
Wie si äch usgseht u was si i däm Stück verzeut
Über Funk bieti ihre es Stück ah vo mim Büchsefleisch
I gah uf Deck, schicke ihre ä Applous
Imaginäre Struss vomne Truurige Matros
Irgendwenn wirds wider Stiu uf däm Boot
Und es blibt nur ihri Stimm i mim Chopf und si singt

(Gesang Helenka Danis)

Vorletschte Logbuech-Itrag
Ke land in sicht und sit vier tag kes Signau
Motor versuft und Büchse göh langsam us
Uf aune Biudschirme ä graue Ameisihuufe
U plötzlich chunnt wider die Opere über Funk
D Frequänz dütet ufene dringende Notruef
Ufem Sonar erschiint ä sich nöcherende Punkt
Es mues vom Schiff cho mit dr Singende Frou druf
Motor isch tot i renne zum Maschineruum
Schiff driftet stiu uf d iischouene zue
Woni wider ufechume wirdi bländet vo Liechter
Ghöres Fescht uf dr änere site steit ihres Schiff und sie singt

(Gesang Helenka Danis)

Letschte Logbuech-Itrag
Ds andere Schiff isch vou farbiger Girlande
I stige druf fouge de Liechter und em Gsang
I bi grettet loufe dr Musig nache em Bug entlang
I gseh no ke mönsch aber i ghöres
Ufem Schiff isch es Konzärt ihri Stimm chunnt immer nöcher
Wenis nid säuber würd gseh würdis nid gloube
Doch I stah iz grad uf dr verlorene Lyubow Orlowa
I hase gfunge si heise wöue verschrotte
Ds Seil vom Schlepper isch grisse und si isch elei verscholle
Ohni Besatzig isch si für Jahre verlore gange
Nur Ratte a Bord iz isch si wider da i vouem Glanz
Aues wie nöi i loufe zum ändi vom Gang
Gseh überau die aute Biuder vo Ihre ar Wang
De erblicki se sitzend am flügu ir mitti vom Sal
Sie häbt ihri Hang zum Kuss u seit i hadi erwartet
Und sie singt

(Gesang Helenka Danis)