Mazzika Hadia

مزيكا هاديه
وقاعدة علي ترابيزة فاضية
بكرسي واحد بس ليا
وقهوتي المظبوطة

دي حاجات بسيطة
وببقي وأنا بعملها راضية
وأحب أعيش اللحظة ديه
وببقي مبسوطة

إيه فايدة الترابيزة يعني، بكرسي تاني
واللي يكون قاعد عليه واحد أناني
أديه مكان وفجأه أنا مالقاش مكاني
يعيش عشاني يومين ويطلع مش عشاني

أحتاج لحضن ليه وهي، القهوة أدفي
أحتاج لقلب ليه وقلبي، ليا أوفى
لو في يوم ضايقت نفسي، بقولي اسفة
أماني ده في وحدتي، مش ببقى خايفة

مزيكا

مش مستعدة
أرجع وأعيد تاني اللي عدى
ما بقتش حمل جرح تاني
أو أنام دموعي علي المخدة

أسلوب حياتي
أهم أسباب انبساطي
مين اللي قال الوحدة صعبة
بالعكس أنا في أحسن حالاتي

إيه فايدة الترابيزة يعني، بكرسي تاني
واللي يكون قاعد عليه واحد أناني
أديه مكان وفجأه أنا مالقاش مكاني
يعيش عشاني يومين ويطلع مش عشاني

أحتاج لحضن ليه وهي، القهوة أدفي
أحتاج لقلب ليه وقلبي، ليا أوفى
لو في يوم ضايقت نفسي، بقولي اسفة
أماني ده في وحدتي، مش ببقى خايفة

تشاو