Текст песни Pi Dj Che Operai - Herman Medrano

Me svejo un poco prima e togo portobello
Sento che sto qua xe el me jorno fortunello
Xe mesi che me serco un lavoro tuto el dì
So straco, no se poe 'ndare vanti cussì
Un ocio al'insersion che el lavoro queo bon
El xe scrito picoeto e sconto fra un milion
Che come che lo vedo quasi quasi sigo
Me fiondo sol teéfono e ciamo un me amigo
"Un colpo de cùeo, go trovà na dita
Che el lavoratore no lo assume, lo affita
Me pare che se possa fare sensa risc-iare
Oramai so esperto nel farme incueare"
Anca se el stipendio xe pitosto basso
Pa l'orario in cui me svejo e pa queo che fasso
Devo pensaghe mejo e parlare coi miei
Me sa che nel fratenpo vado a fare el dj

Funk, hip hop, sanba o salsa
Ghe n'è pa tuti i gusti, fin al mal de pansa
Che come se voltemo semo sassinai
In giro ghe xe quasi pi dj che operai
Vero, finto, show oppure farsa
Ghe n'è pa tuti i gusti, e forse xe massa
Che anca i sindacati oramai xe preocupai
In giro ghe xe quasi pi dj che operai

Uncuò no go dormio pa pensare al nome d'arte
Come el stress che me vien ramenando carte
Xe inportante che eà xente seo ricorda sin da subito
Vegno su dal leto o fasso piaghe de decupito
Oramai i nomi li go provai xa tuti
Da dj francesco a dj mille ruti
Dj maseneta? o dj pevarassa?
Me piase a fruta seca, dj stracaganassa
Nei week end de sicuro mi no me anoio
Ciapo tanti schei e me svejo quando vojo
Remix de scorese che risono dal vivo
Ma a dire a verità go soltanto un obietivo
Tanta ma tanta ma tanta figarea
No so, in testa pi chealtro mi go quea
Che a musica no conta xe soeo che un pretesto
No farò l'operaio, basta soeo questo

Funk, hip hop, sanba o salsa
Ghe n'è pa tuti i gusti, fin al mal de pansa
Che come se voltemo semo sassinai
In giro ghe xe quasi pi dj che operai
Vero, finto, show oppure farsa
Ghe n'è pa tuti i gusti, e forse xe massa
Che anca i sindacati oramai xe preocupai
In giro ghe xe quasi pi dj che operai

Fra house tecno eletronica o rock
No go che da decidere el dj che sarò
E anca se i cd no li go mai conprai
Me posso anca rangiare co quei masterizai
Ghe voria calcosseta pa farse notare
Fin che meto i dischi podaria anca cantare
O podaria baeare, ma me sa xa i lo fa
No basta na paruca ghe voe vere novità
El dì del me debuto me porto un pegnateo
Cusino un bel museto e lo magno col buèo
Lancio fete de sopressa in testa sol publico
Bevarò cocktail missià co peo pubico
Basta na cagada, eà xente ghe ne parla
Varda, gnanca dirla se fa prima farla
Mi sarò el primo, si però ghe voe corajo
Almanco scanparò un futuro da operaio

Funk, hip hop, sanba o salsa
Ghe n'è pa tuti i gusti, fin al mal de pansa
Che come se voltemo semo sassinai
In giro ghe xe quasi pi dj che operai
Vero, finto, show oppure farsa
Ghe n'è pa tuti i gusti, e forse xe massa
Che anca i sindacati oramai xe preocupai
In giro ghe xe quasi pi dj che operai