Текст песни Awlad El Chawareh - Hiba Tawaji

في ولد قدامي بعيونه شفت دموع
قاللي اسمي رامي عن مجتمعي مقطوع

سألته اهلك وين جاوبني بكلمتين
راحوا بحرب السنتين تركوني وحدي جوع
صرخت بصوتي الموجوع صوت المدفع اقوى
اخدهم مدري لوين ما عاد صوتي مسموع

عجقه بالشوارع انا بنص الطريق
وولاد الشوارع فلتانين ع الطريق
يوم الشفت رامي سكنلي احلامي
صغيرة هاليمامة العم تكبر ع الطريق

ومشيت خلفه بالسر من رصيف لرصيف
ساعات الوقت تمر اكدلي انه ضعيف
الولد شفته جوعان عايش فقر وحرمان
عيونه ع الفران الواقف يخبز رغيف

ندهتله يا رامي ما تسرق هيدا عيب
جاوبني الحرامي ما بيعرف معنى العيب
اتركيني بحالي اعمل اللي بيحلالي
اشحت بالليالي والشغل منو عيب

عجقه بالشوارع انا بنص الطريق
وولاد الشوارع فلتانين ع الطريق
يوم الشفت رامي سكنلي احلامي
صغيرة هاليمامة العم تكبر ع الطريق

قالوا في عدالة والمجتمع نايم
وعالم ما بيبالي عن الحكي صايم
عم يصرخ السؤال شو ذنبن هالاطفال
بكرا بصيروا رجال وبتكتر الجرايم

اولاد الشوارع مش كلن مذلولين
مستقبلن ضايع تحت السما نايمين
ع الارصفة هايمين في بلاد ارضهن ضايعين
عم يسألوا لامتي برح نبقى منسيين

عجقه بالشوارع انا بنص الطريق
وولاد الشوارع فلتانين ع الطريق
يوم الشفت رامي سكنلي احلامي
صغيرة هاليمامة العم تكبر ع الطريق