Текст песни Balad El Tanaod - Hiba Tawaji

العالم كلّو عم يسألنا: إنتو والله كيف عايشين ؟
قلتلّن هيدي بلدنا صرنا عليها معوّدين سياحة, فنّ ومعارك, الله الحامي، الله مبارِك،
يللي بدّو يجي يشارك, نحنا بسيرك المجانين
يا عمّي اللبناني شغلة بيتديّن حتّى يسهر،
قاعد لا عملة ولا شغلة، ليليّة بدّو يضهر والأسواق عم بتعاني، بسّ الملاهي ولعاني،
ناس بتصرف, ناس طفراني، ناس بالخيمة عم تكبر
هالتّناقض ما تتعجّب، ناس بسمنة وناس بزيت،
فيك تتزلّط، فيك تتحجّب، صيف وشتي على نفس البيت
بين الكنيسة وبين الجامع بار زغيّر كلّ شي جامع،
بطرس، أحمد، ماريو، لامع، سيرج وبرج، فاطمة ولوران
فيها المخلص والشرير، مدينتنا بتساغ الكل
فيها الغني والفقير، هيدي القصة ما رح تنحل
ناس بيحكوا "فغنساوي"، جماعة بتحكي العربية
ستايك، هريسة أو مشاوي، كبة وسوشي يبانية
فيها سواح ونازحين، بنفس الشارع سايحين، ونحنا بيناتن ضايعين
Francophiles, Anglophiles,
أقلية Arabophiles
قوميات، اراكيل، من البداوي لسن الفيل
هيدا البلد مش طبيعي، ونحنا مش طبيعيين، بعكس الطبيعة ماشيين
***
في عنا ثمانة عشر طايفة، وما زدنا صحون ثمانة عشر،
عيل الديون عليها طايفة، عيل بتبلع ما بتشبعش
اللي بيصلي. واللي بيسكر، قاعدين بذات المعسكر
أجمل مسلسل عم تحضر، سرقة، خيانة، طأش وفأش...
هيدا البلد مش طبيعي، و نحنا مش طبيعيين، بأحلى بلد عايشين...
Share this page
Share on Google+
Simplesite logo
This website was created using SimpleSite - get your own for free.