Текст песни Pagsibol - Himig Heswita

Bawat huni ng ibon sa pag-ihip ng amihan
Wangis Mo'y aking natatanaw
Pagdampi ng umaga sa nanlamig kong kalamnan
Init Mo'y pangarap kong hagkan

Panginoon, Ikaw ang kasibulan ng buhay
Puso'y dalisay kailan pa man
Ipahintulot Mong ako'y mapahandusay
Sa sumasaibayong kaginhawahan

Nangungulilang malay binulungan ng tinig Mong
Nagdulot ng katiwasayan
Paghahanap katwiran, nilusaw Mo sa simbuyong
Karilagan ng pagmamahal

Panginoon, Ikaw ang kasibulan ng buhay
Puso'y dalisay kailan pa man
Ipahintulot Mong ako'y mapahandusay
Sa sumasaibayong kaginhawahan

Panginoon, Ikaw ang kasibulan ng buhay
Puso'y dalisay kailan pa man
Ipahintulot Mong ako'y mapahandusay
Sa sumasaibayong kaginhawahan

Dalangin pa sana'y mapagtanto kong tunay
Kaganapan ng buhay ko'y Ikaw lamang