Текст песни Rohy Rohy - Hoda

انا مطلبتش منك تيجي تشيل الهم بدالي
انا كده راضية وقابلة بضعفي، وحالي بيعجب حالي
ليه مستني تشوفني بعينك كلي جراح

انا مشكيتش بدمعة عيني عذابي ولا أوجاعي
يبقى بلاش ترضيني بنظرة، خدها ملهاش داعي
ابعد عني وسيبني لوحدي عشان ارتاح

روح، روح، مانت الجارح مش مجروح
صعب تحس عذاب الروح، اللي انا في وجودك بلاقيه
روح، روح، ندمك عدّى الوقت عليه
لا هيرضيني ولا هرضيه، مهما عشاني هتعمل ايه

كان سهل من الأول انك تاخد بالك مني
قبل ما تظلم قلبي تفكر مين هيخفف عني
وازاي بعد خيانتك ليّا هآمن حد

بقى دلوقتي اللي يقربلي بهرب منه واخاف
واقفل بابي عليّا لوحدي، بحس الباب شفاف!
وان عيون الناس شايفاني وانا بتهد

روح، روح، مانت الجارح مش مجروح
صعب تحس عذاب الروح، اللي انا في وجودك بلاقيه
روح، روح، ندمك عدّى الوقت عليه
لا هيرضيني ولا هرضيه، مهما عشاني هتعمل ايه