Текст песни Sarı Güllər - Humay Aslanova

Dünyada əlvan rənglər, güllər ağlar, sevinər
Hər gülü öz rəngində yada salar sevənlər
Rənglər dönər güllərə, güllər yağar əllərə
Əllər qonar tellərə o günlərdə
Yadıma gəlir o gün
Mən həsrətdən donanda
Görüşə gəldim yenə Günəş rəngli donumda?
Günəş rəngli gülləri aldı səndən əllərim
Niyə kədər göründü gözlərində?

Sarı güllər ömrümə düşən kədər
Sarı güllər qəmlə gülümsər
Sarı güllər yoluma hicran səpər
Sarı güllər ayrılıq gətirər

Yaraşdı sarı donum Günəş rəngli güllərə
O günlər düşdü niyə sənsiz ötən günlərə?
İllər keçdi o gündən, görüb indi bilirəm
Niyə kədər göründü gözlərində

Sarı güllər ömrümə düşən kədər
Sarı güllər qəmlə gülümsər
Sarı güllər yoluma hicran səpər
Sarı güllər ayrılıq gətirər

Sarı güllər yoluma hicran səpər
Sarı güllər ayrılıq gətirər